அட பாவிங்களா… நீதி கேட்க வந்த இடத்தில் நேர்ந்த அராஜகம்…! புகார் அளித்த பெண்ணை… சரமாரியாக தாக்கிய பெண் சப்-இன்ஸ்பெக்டர்…! உ.பி -யில் பரபரப்பு…!!

உத்தரப் பிரதேச மாநிலம் வாரணாசியில் உள்ள சௌபேபூர் காவல் நிலையத்தில், பெண் சப்-இன்ஸ்பெக்டர் ஒருவர் புகார் அளிக்க வந்த பெண்ணை 8 வினாடிகளில் அடுத்தடுத்து பலமுறை கன்னத்தில் அறைந்த வீடியோ சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது. பாதிக்கப்பட்ட பெண், கிராமப்புற நில ஆக்கிரமிப்பு தொடர்பான தனது புகார் குறித்து மக்கள் குறைதீர்ப்பு முகாமிற்கு வந்துள்ளார். அப்போது ஏற்பட்ட வாக்குவாதத்தின் போது, சப்-இன்ஸ்பெக்டர் குமாரி ரோஷ்னி சிங் அந்தப் பெண்ணைத் தாக்கியதாகக் கூறப்படுகிறது.

இந்தச் சம்பவத்தை அங்கிருந்த ஒருவர் தனது மொபைல் போனில் ரகசியமாகப் படம் பிடித்து சமூக ஊடகங்களில் பகிர்ந்துள்ளார். இந்த 8 வினாடி வீடியோ இணையத்தில் பரவி, காவல்துறையின் அராஜகப் போக்குக் குறித்து பொதுமக்களிடையே கடும் விவாதத்தையும் கண்டனங்களையும் எழுப்பியது. பாதிக்கப்பட்ட பெண், தான் அனைவர் முன்னிலையிலும் தாக்கப்பட்டதோடு, பின்னர் ஒரு அறைக்குள் பூட்டப்பட்டு மேலும் சித்திரவதை செய்யப்பட்டதாகக் குற்றம் சாட்டியுள்ளார்.

https://twitter.com/varunsh84917099/status/2078120882938290286/video/1

வீடியோ வைரலானதை அடுத்து வாரணாசி காவல்துறை அதிகாரிகள் உடனடியாக இந்த விவகாரத்தைக் கையில் எடுத்தனர். முதற்கட்ட விசாரணையின் அடிப்படையில், சப்-இன்ஸ்பெக்டர் ரோஷ்னி சிங்கை பணியிடை நீக்கம் செய்து வாரணாசி துணை காவல் ஆணையர் உத்தரவிட்டுள்ளார். மேலும், இந்தச் சம்பவம் குறித்து காவல்துறை தரப்பில் முறையான துறை ரீதியான மற்றும் சட்டப்பூர்வ விசாரணைகள் தீவிரமாகத் தொடங்கப்பட்டுள்ளன.