இங்கே சட்டம் பேசுறவங்க யாரு?… எங்க உரிமை எங்களுக்கு வேணும்… DAVV பல்கலைக்கழக கதவை உடைத்து… துணைவேந்தர் அலுவலகத்திற்குள் புகுந்த கல்லூரி… அதிர்ச்சி சம்பவம்…!

இந்தூரில் உள்ள தேவி அகில்யா விஷ்வவித்யாலயா பல்கலைக்கழகத்தின் RNT மார்க் வளாகத்தில், இன்ஸ்டிடியூட் ஆஃப் ப்ரொஃபெஷனல் ஸ்டடீஸ் மாணவர்கள் நேரடியாக மாணவர் சங்கத் தேர்தல் நடத்தக் கோரி தீவிர போராட்டத்தில் ஈடுபட்டனர். பல்கலைக்கழகப் பணியாளர்களுடன் ஏற்பட்ட வாக்குவாதத்தைத் தொடர்ந்து, ஆவேசமடைந்த மாணவர்கள் முதன்மை நிர்வாகக் கட்டிடத்தின் சேனல் கேட்டை உடைத்துக் கொண்டு துணைவேந்தர் அலுவலகத்திற்குள் நுழைந்தனர்.

மத்திய பிரதேச உயர் நீதிமன்றம் மாணவர் சங்கத் தேர்தலை நடத்துமாறு மாநில அரசுக்கு உத்தரவிட்டதைத் தொடர்ந்து இந்த போராட்டம் வெடித்துள்ளது. DAVV பல்கலைக்கழகத்தில் கடைசியாக 2017-ஆம் ஆண்டில் மாணவர் சங்கத் தேர்தல் நடைபெற்றது. கடந்த 8 ஆண்டுகளாக தேர்தல் நடத்தப்படாத நிலையில், நீதிமன்ற உத்தரவைச் சுட்டிக்காட்டி மாணவர்கள் நேரடித் தேர்தலை உடனே நடத்த வலியுறுத்தி கோஷங்களை எழுப்பினர்.

இந்தச் சம்பவத்தின் போது கட்டிடத்தின் கதவுகளை உடைத்து உள்ளே நுழைந்து ரகளையில் ஈடுபட்ட சில மாணவர்களைப் காவல்துறை உடனடியாகக் கைது செய்து தடுப்புக் காவலில் வைத்தது. இருப்பினும், இந்த வன்முறை மற்றும் போராட்டச் சம்பவம் குறித்து பல்கலைக்கழக அதிகாரிகள் இதுவரை அதிகாரப்பூர்வ அறிக்கை எதையும் வெளியிடவில்லை.