சார், என்னை பாஸ் பண்ணிடுங்க..! மேத்ஸ் எக்ஸாமில் காதல் கவிதை எழுதிய மாணவன்.. ஆசிரியரின் மரண மாஸ் பதில்…!

சமூக வலைதளங்களில் அவ்வப்போது மாணவர்களின் வினோதமான விடைத்தாள்கள் வைரலாவது வழக்கம். அந்த வகையில், தற்போது ஒரு மாணவனின் கணிதத் தேர்வு விடைத்தாள் இணையத்தில் பெரும் பேசுபொருளாக மாறியுள்ளது. அந்த மாணவன் கணிதக் கேள்விகளுக்குப் பதில்களைக் கணக்கிட்டு எழுதுவதற்குப் பதிலாக, முழு விடைத்தாளையும் உருவகக் கவிதைகளாலும் காதல் வரிகளாலும் நிரப்பியுள்ளார்.

அந்த விடைத்தாளில் மாணவன், “கணிதம் மிகவும் கடினமான பாடம், என்னுடைய விதியை மாற்றியமைக்க ஆசிரியரே உங்களால் தான் முடியும்” என்ற பொருள்படும்படி உருக்கமாக எழுதியுள்ளார். மேலும், “நான் கடினமாகப் படித்தாலும் எனக்குக் கணிதம் புரியவில்லை, என்னை எப்படியாவது தேர்ச்சி பெறச் செய்யுங்கள்” என்று கவிதையாக வடித்திருந்தார். இதைப்பார்த்த ஆசிரியர் அதிர்ச்சியடைந்தாலும், மாணவனின் இந்தச் செயலைப் பாராட்டி விடைத்தாளைத் திருத்தி 100-க்கு ‘பூஜ்யம்’ (0) மதிப்பெண் வழங்கி, “மிக அருமையான ஷாயரி” என்று சிவப்புப் பேனாவால் குறிப்பு எழுதியுள்ளார்

https://www.instagram.com/reel/DYjpl4vvTYT/?utm_source=ig_web_copy_link

ஆசிரியர் இந்த விடைத்தாளை வீடியோவாக எடுத்து சமூக வலைதளங்களில் பகிர, அது காட்டுத்தீ போல் பரவியது. இதைப் பார்த்த இணையவாசிகள் பலவிதமான வேடிக்கையான கருத்துகளைப் பதிவிட்டு வருகின்றனர். சிலர், “மாணவனின் திறமை கணிதத்தில் இல்லை, கவிதையில் உள்ளது” என்று பாராட்டினாலும், பலர் “தேர்வில் இப்படிப் பொறுப்பற்ற முறையில் செயல்படுவது தவறு” என்றும், “ஆசிரியர் அதற்குத் தகுந்த மதிப்பெண்ணையே வழங்கியுள்ளார்” என்றும் கருத்து தெரிவித்து வருகின்றனர்.