“அண்ணன் கண்டித்ததால் வீட்டை விட்டு ஓடிய மாணவி…” மயக்க மருந்து கொடுத்து பலமுறை பலாத்காரம் செய்து…! நரக வேதனை அனுபவித்த கொடூரம்… பகீர் பின்னணி…!!

உத்தரப் பிரதேச மாநிலம் காட்டா காவல் நிலைய எல்லைக்குட்பட்ட பகுதியைச் சேர்ந்த மாணவி ஒருவர், கடந்த மே 10-ஆம் தேதி தனது அண்ணன் கண்டித்ததால் ஆத்திரமடைந்து வீட்டை விட்டு வெளியேறியுள்ளார். முசாபர்நகர் ரயில் நிலையத்தில் தனிமையில் அழுதுகொண்டிருந்த அம்மாணவியிடம், நபர் ஒருவர் நைஸாகப் பேசி கொல்கத்தாவில் நல்ல வேலை வாங்கித் தருவதாகக் கூறி அழைத்துச் சென்றுள்ளார். கொல்கத்தாவிற்கு அழைத்துச் செல்லப்பட்ட அம்மாணவி உடனடியாக கடத்தல் கும்பலிடம் விற்கப்பட்டார்.

அங்கு அவருக்கு மயக்க மருந்து கொடுத்துப் பாலியல் வன்கொடுமை செய்ததுடன், சாப்பாடு கொடுக்காமல் அடித்துச் சித்திரவதை செய்துள்ளனர். அதன்பின் ஒரு மாதம் கழித்து பிகாரின் பாகல்பூரில் உள்ள சிவப்பு விளக்கு பகுதிக்கு மீண்டும் விற்கப்பட்டார். 87 நாட்களுக்குப் பிறகு அந்த கும்பல் அம்மாணவியை மூன்றாவது முறை விற்க முயன்ற போது, சிறப்பு புலனாய்வுக் குழு மற்றும் மனிதக் கடத்தல் தடுப்புப் பிரிவினர் அதிரடியாகச் செயல்பட்டு அம்மாணவியை மீட்டனர். வீட்டை விட்டு கோபித்துக்கொண்டு வெளியேறும் பெண்கள் அந்நியர்களை நம்பி ஏமாற வேண்டாம் எனப் போலிஸார் எச்சரித்துள்ளனர்.