தொடர்ந்து வீடியோ கேம் விளையாடிய மாணவர்…. திடீரென மனநலம் பாதிக்கப்பட்டவர் போல நடந்து கொண்டதால் அதிர்ச்சி…. பகீர் சம்பவம்…!!

ராணிப்பேட்டை மாவட்டம் காலிவாரி கண்டிகை பகுதியை சேர்ந்தவர் தீபன். இவரது தந்தை கடந்த சில ஆண்டுகளுக்கு முன்பு உயிரிழந்தார். இதனால் தீபன் 12-ஆம் வகுப்பு படித்து முடித்துவிட்டு தற்போது தனது தாயுடன் வசித்து வருகிறார். இவரது அண்ணன் வெளிநாட்டில் வேலை பார்த்து வருகிறார். வீட்டில் இருக்கும்போது தீபன் எப்போதும் செல்போனில் கேம் விளையாடி உள்ளார்.

நேற்று முன்தினம் வரை நன்றாக இருந்தார். ஆனால் நேற்று திடீரென மனநலம் பாதிக்கப்பட்டவர் போல நடந்து கொண்டதால் வீட்டில் இருந்தவர்கள் அதிர்ச்சியடைந்தனர். உடனே தீபனை அரக்கோணம் அரசு மருத்துவமனையில் சிகிச்சைக்காக அனுமதித்தனர். மேல் சிகிச்சைக்காக தீபன் சென்னை அரசு மருத்துவமனைக்கு அனுப்பி வைக்கப்பட்டார். தீபனை 108 ஆம்புலன்ஸில் கை கால்களை கட்டி அழைத்துச் சென்ற சம்பவம் அப்பகுதியில் அதிர்ச்சியை ஏற்படுத்தியுள்ளது.