“என் கல்லூரி மேல குண்டு போடுங்க” இஸ்ரேல் பிரதமருக்கு மெசேஜ் அனுப்பிய மாணவி… பகீர் பின்னணி..!!

அமெரிக்காவின் புளோரிடா மாகாணத்தில் உள்ள ஒரு பல்கலைக்கழக மாணவி, இஸ்ரேல் பிரதமர் பெஞ்சமின் நெதன்யாகுவுக்கு வினோதமான கோரிக்கை ஒன்றை விடுத்ததற்காகக் கைது செய்யப்பட்டுள்ளார். 20 வயதான கேப்ரியலா சல்டானா என்ற அந்த மாணவி, தனது கல்லூரி வளாகத்தின் மீது குண்டுகளை வீசுமாறு வாட்ஸ்அப் குழு ஒன்றில் செய்தி பதிவிட்டுள்ளார். இந்தச் செய்தியைப் பார்த்த சக மாணவர்கள் அதிர்ச்சியடைந்து காவல்துறையினருக்குப் புகார் அளித்துள்ளனர்.

இதனைத் தொடர்ந்து, புளோரிடா சர்வதேச பல்கலைக்கழக காவல் துறையினர் மியாமியில் உள்ள பிரதான வளாகத்திற்கு அருகே அந்த மாணவியைக் கைது செய்தனர். விசாரணையின் போது, தான் விளையாட்டாகவோ அல்லது நகைச்சுவையாகவோ தான் அந்தச் செய்தியைப் பதிவிட்டதாக மாணவி தரப்பில் கூறப்பட்டது. இருப்பினும், கல்வி நிறுவனங்களுக்கு விடுக்கப்படும் அச்சுறுத்தல்கள் தொடர்பான சட்டங்களின் கீழ் அதிகாரிகள் இதனைத் தீவிரமான குற்றமாகப் பதிவு செய்துள்ளனர்.

குறிப்பாக, ஒரு குறிப்பிட்ட நாளில் நடக்கவிருந்த நிகழ்வின் போது தனிநபர்களைத் துன்புறுத்தும் அல்லது கொல்லும் நோக்கில் இந்த அச்சுறுத்தல் விடுக்கப்பட்டதாகக் கைது அறிக்கையில் தெரிவிக்கப்பட்டுள்ளது. கைதான மாணவி தற்போது நீதிமன்றத்தில் ஆஜர்படுத்தப்பட்டு, சட்ட நடவடிக்கைகளுக்கு உள்ளாக்கப்பட்டுள்ளார். இணையதளங்களில் விளையாட்டாகப் பகிரப்படும் கருத்துக்களும் கூட கடுமையான விளைவுகளை ஏற்படுத்தும் என்பதற்கு இந்தச் சம்பவம் ஒரு எச்சரிக்கையாக அமைந்துள்ளது.