உத்தரப் பிரதேச மாநிலம் ஆக்ராவில் தங்கி போட்டித் தேர்வுகளுக்குப் படித்து வந்த விசாகா என்ற மாணவி, கடந்த செப்டம்பர் 29-ஆம் தேதி முதல் திடீரென மாயமானார். அவரது கைபேசி அணைக்கப்பட்டு தொடர்பு கொள்ள முடியாததால், குடும்பத்தினர் காவல் நிலையத்தில் புகார் அளித்திருந்தனர்.
மாணவியைத் தேடி வந்த நிலையில், 9 நாட்களுக்குப் பிறகு பட்புரா காவல் எல்லைக்குட்பட்ட மிஹௌலி கிராமத்தின் அருகே உள்ள யமுனை நதிக்கரையில், சாக்குமூடையில் அடைக்கப்பட்ட நிலையில் அவரது சடலம் மீட்கப்பட்டுள்ளது. இந்த கொடூர சம்பவத்தில் தொடர்புடைய அரசு வருவாய்த்துறை ஊழியர் மீது மாணவியின் குடும்பத்தினர் கொலைக் குற்றச்சாட்டைச் சுமத்தியுள்ளனர். இச்சம்பவம் குறித்து காவல்துறையினர் வழக்குப் பதிவு செய்து விசாரணை நடத்தி வருகின்றனர்.