காதலனைச் சந்திக்கக் குடும்பத்திற்கே தூக்க மாத்திரை கொடுத்த மாணவி… நள்ளிரவில் நடந்த ‘நாடகம்’… அதிரவைத்த விபரீத காதல் கதை..!!!

இந்த அதிர்ச்சியூட்டும் சம்பவம் உத்தரப்பிரதேச மாநிலம் கோரக்பூரில் நடந்துள்ளது. பத்தாம் வகுப்பு படிக்கும் மாணவி ஒருவர், தனது 25 வயது காதலனைச் சந்திப்பதற்காகத் தன் குடும்பத்தினரையே ஆபத்தில் ஆழ்த்தியுள்ளார். தினமும் இரவு உணவின் போது, தனது பெற்றோர் மற்றும் பாட்டியின் உணவில் தூக்க மாத்திரைகளைக் கலந்து அவர்களை மயக்கமடையச் செய்வதை அந்த மாணவி வழக்கமாக வைத்திருந்தார்.

மேலும் அவர்கள் ஆழ்ந்த உறக்கத்திற்குச் சென்றவுடன், யாருக்கும் தெரியாமல் வீட்டை விட்டு வெளியேறித் தனது காதலனைச் சந்தித்து வந்துள்ளார். ஒவ்வொரு முறையும் சாப்பிட்ட உடனே அனைவரும் வழக்கத்திற்கு மாறாகத் தூக்கக் கலக்கத்தை உணர்ந்ததால், மாணவியின் தந்தைக்கும் சந்தேகம் ஏற்பட்டது. ஒரு நாள் இரவு, உண்மையை அறியத் திட்டமிட்ட குடும்பத்தினர், உணவை உண்ணாமல் சாப்பிடுவது போல் நடித்துவிட்டுத் தூங்குவது போல் பாசாங்கு செய்தனர்.

இந்நிலையில் நள்ளிரவில் அந்த மாணவி ரகசியமாக வீட்டை விட்டு வெளியேறுவதைக் கண்டு அதிர்ச்சியடைந்த குடும்பத்தினர், அவரைப் பின்தொடர்ந்து சென்று காதலனுடன் இருந்த மாணவியைக் கையும் களவுமாகப் பிடித்தனர். கோபமடைந்த குடும்பத்தினர் மாணவியைக் கண்டித்ததோடு, அந்த இளைஞனைப் பிடித்துக் காவல்துறையிடம் ஒப்படைத்தனர்.