“ஸ்கூல் அசெம்பிளியில் மாணவர்களுடன் சேர்ந்த தெருநாய்.. கியூட்டான ‘பிரார்த்தனை’ போஸ்! இணையத்தைக் கலக்கும் வைரல் வீடியோ!..!!

சிக்கிமில் உள்ள ஒரு பள்ளியில் நடைபெற்ற காலை வழிபாட்டுக் கூட்டத்தில், ஒரு தெரு நாய் மாணவர்களுடன் சேர்ந்து பிரார்த்தனை செய்த நெகிழ்ச்சியான வீடியோ இணையத்தில் வைரலாகி பலரது இதயங்களை வென்றுள்ளது.

இந்த வீடியோவில், பள்ளி மாணவர்கள் அனைவரும் வரிசையாக நின்று காலைப் பிரார்த்தனை பாடிக்கொண்டிருக்கின்றனர். அப்போது அங்கு வந்த ஒரு தெரு நாய், மாணவர்களைப் போலவே அதன் பின் கால்களில் நிமிர்ந்து நின்று, தன் முன்னங்கால்களைக் கூப்பி பிரார்த்தனை செய்வது போன்ற தோரணையில் அமைதியாக நிற்கிறது.

https://www.instagram.com/reel/DYpHJYOpJxi/?utm_source=ig_web_copy_link

சுற்றியுள்ள மனிதர்களையோ அல்லது சத்தத்தையோ கண்டு சற்றும் மிரளாமல், அந்த நாய் காட்டிய ஒழுக்கமும் பக்தியும் பார்ப்பவர்களை ஆச்சரியத்தில் ஆழ்த்தியுள்ளது. விலங்குகளுக்கும் உணர்வுகளும், சுற்றியுள்ள சூழலைப் புரிந்துகொள்ளும் அறிவும் உண்டு என்பதை உணர்த்தும் இந்த அழகான வீடியோ, தற்போது சமூக ஊடகங்களில் பலராலும் ரசிக்கப்பட்டு, லட்சக்கணக்கான பார்வைகளைக் குவித்து வருகிறது.