“இனி அது மட்டும் நடக்கவே நடக்காது”… ஸ்டாலின் எடுத்த திடீர் முடிவு… ஒரே நாளில் தலைகீழாக மாறிய அரசியல் களம்…!

தமிழக அரசியல் வரலாற்றில் கடந்த 50 ஆண்டுகளுக்கும் மேலாக நீடித்து வந்த திமுக – அதிமுக ஆகிய இருமுனைப் போட்டிக்கு முற்றுப்புள்ளி வைக்கும் வகையில், 2026 சட்டமன்ற தேர்தல் முடிவுகள் பெரும் அரசியல் திருப்பத்தை ஏற்படுத்தியுள்ளன. கடந்த 2024-ஆம் ஆண்டு நடிகர் விஜயினால் தொடங்கப்பட்ட தமிழக வெற்றிக் கழகம், இந்தத் தேர்தலில் களம் கண்டு ஆட்சியைப் பிடித்து சாதனை படைத்துள்ளது. தவெக ஆட்சி அமைக்க 12 சட்டமன்ற உறுப்பினர்களின் ஆதரவு தேவைப்பட்ட நிலையில், திமுக கூட்டணியில் இருந்து வெற்றி பெற்ற காங்கிரஸ், விடுதலை சிறுத்தைகள், கம்யூனிஸ்ட் மற்றும் முஸ்லிம் லீக் ஆகிய கட்சிகள் திடீரென தவெக பக்கம் சாய்ந்து ஆதரவளித்தன. கூட்டணிக் கட்சிகளின் இந்த அதிரடி பல்டியை சற்றும் எதிர்பாராத திமுக தலைமை தற்போது பெரும் அதிர்ச்சியில் உறைந்துள்ளது.

கடந்த 9 ஆண்டுகளுக்கும் மேலாக கொள்கை கூட்டணி என்று கூறிக்கொண்டு, அடுத்தடுத்த தேர்தல்களில் திமுகவுடன் இணைந்து தொடர் வெற்றிகளைப் பெற்று வந்த கூட்டணிக் கட்சிகள், ஒரே ஒரு தேர்தல் தோல்விக்காக உடனடியாக தங்களது நிலைப்பாட்டை மாற்றிக்கொண்டது திமுக தொண்டர்களிடையே கடும் கொந்தளிப்பை ஏற்படுத்தியுள்ளது. திமுகவின் வாக்கு வங்கியையும், உழைப்பையும் பயன்படுத்தி வெற்றி பெற்றுவிட்டு, தற்போது தவெக அரசுக்கு ஆதரவளிக்கும் இந்த கட்சிகளின் துரோகத்திற்குப் பிறகு, இனிமேல் எந்தவொரு தேர்தலிலும் கூட்டணியே வைக்கக் கூடாது என்ற கோரிக்கை திமுகவிற்குள் பலமாக எழுந்துள்ளது. வரும் காலங்களில் கட்சியின் உண்மையான தொண்டர்களுக்கே தேர்தலில் போட்டியிட வாய்ப்பளிக்க வேண்டும் என்ற குரலும் தீவிரமடைந்துள்ளது.

இதன் எதிரொலியாக, திருவாரூரில் நடைபெற்ற திருமண விழா ஒன்றில் பேசிய திமுக துணைப் பொதுச்செயலாளர் ஆ.ராசா, தமிழகத்தைக் காப்பாற்ற வேண்டுமெனில் திமுக இனி யாருடனும் கூட்டணி வைக்கக் கூடாது என்றும், தனித்துதான் போட்டியிட வேண்டும் என கட்சித் தலைவர் மு.க.ஸ்டாலின் அறிவிக்க வேண்டும் என்றும் பகிரங்கமாகக் கேட்டுக்கொண்டார். இதற்குப் பதிலளித்துப் பேசிய மு.க.ஸ்டாலின், “கலைஞர் வழியில் கூட்டணிக் கட்சிகளை நான் என்றுமே கைவிடுவதில்லை, அவர்களாகச் சென்றால் நான் ஒன்றும் செய்ய முடியாது” எனக் குறிப்பிட்டதோடு, “இன்றைக்கு இருக்கும் மக்கள் எல்லாம் கூட்டணியே தேவையில்லை என்றுதான் சொல்லிக் கொண்டிருக்கிறார்கள்; நிச்சயமாக அதையும் நாங்கள் விரைவில் பரிசீலிப்போம்” என மூன்று முறை அழுத்தமாகக் கூறி தனது சம்மதத்தை சூசகமாக வெளிப்படுத்தியுள்ளார்.

இந்த அதிரடி அரசியல் மாற்றங்களின் தொடர்ச்சியாக, தமிழகத்தில் விரைவில் நடைபெறவுள்ள இடைத்தேர்தல்கள் மற்றும் உள்ளாட்சித் தேர்தல்களில் திமுக யாருடனும் கூட்டணி அமைக்காமல் தனித்துப் போட்டியிட திட்டமிட்டு வருவதாக நம்பத்தகுந்த தகவல்கள் வெளியாகியுள்ளன. இதன் மூலம் திமுகவின் உண்மையான வாக்கு வங்கி மற்றும் பலம் என்ன என்பதை நேரடியாகச் சோதித்துப் பார்க்க மு.க.ஸ்டாலின் வியூகம் வகுத்து வருகிறார். கூட்டணிக் கட்சிகளின் சுயநல அரசியலுக்குப் பாடம் புகட்டவும், அடிமட்டத் தொண்டர்களை உற்சாகப்படுத்தவும் திமுக எடுக்கவுள்ள இந்த “தனி வழி” முடிவு, தமிழக அரசியலில் புதியதொரு சகாப்தத்தைத் தொடங்கும் என அரசியல் விமர்சகர்கள் கருதுகின்றனர்.