முகூர்த்த நாள் மற்றும் வார இறுதி நாட்களை முன்னிட்டு ஜூன் 25 முதல் ஜூன் 28 வரை சிறப்பு பேருந்துகள் இயக்கப்படும் என்று அரசு அறிவித்துள்ளது. இந்த அறிவிப்பின்படி, கோயம்பேட்டிலிருந்து திருவண்ணாமலை, நாகை, வேளாங்கண்ணி மற்றும் பெங்களூரு ஆகிய இடங்களுக்கு ஜூன் 25-ல் 85 பேருந்துகளும், ஜூன் 26 மற்றும் 27 ஆகிய தேதிகளில் 75 பேருந்துகளும் இயக்கப்படவுள்ளன.
மேலும், பெங்களூரு, திருப்பூர், கோவையிலிருந்து பல இடங்களுக்கு 200 சிறப்பு பேருந்துகள் இயக்கப்பட உள்ளன. வார இறுதி மற்றும் முகூர்த்த நாட்கள் முடிந்து பயணிகள் மீண்டும் தங்களது இடங்களுக்குத் திரும்புவதற்காக, ஜூன் 28 அன்று சென்னை மற்றும் பெங்களூருவுக்கு 615 சிறப்பு பேருந்துகள் இயக்கப்படும் என்றும் இந்தச் செய்தி குறிப்பில் தெரிவிக்கப்பட்டுள்ளது.