விநாயகர் சதுர்த்தி விழாவில் சோகம்…! சிலையை கரைக்க சென்ற 6 மாணவர்கள் அடுத்தடுத்து நீரில் மூழ்கி பலி…. நெஞ்சை உலுக்கும் பகீர் சம்பவம்….!!

தெலுங்கானா மாநிலம் ஹைதராபாத் அருகே உள்ள பட்டாஞ்செரு பகுதியில், விநாயகர் சதுர்த்தி விழாவையொட்டி விநாயகர் சிலையை நீரில் கரைக்க செய்யச் சென்ற 6 பள்ளி மாணவர்கள் நீரில் மூழ்கி பரிதாபமாக உயிரிழந்த சம்பவம் அதிர்ச்சியையும் சோகத்தையும் ஏற்படுத்தியுள்ளது.

பட்டாஞ்செரு அருகே உள்ள காஞ்செர்லா கிராமத்தில் உள்ள நீர்நிலைக்கு, விநாயகர் சிலையைக் கரைப்பதற்காக மாணவர்கள் உற்சாகத்துடன் சென்றுள்ளனர். நீரில் இறங்கிச் சிலையை கரைக்க முயன்றபோது, எதிர்பாராதவிதமாக ஆழமான பகுதிக்குச் சென்று ஒருவர் பின் ஒருவராக நீரில் மூழ்கித் தத்தளித்துள்ளனர்.

கண் இமைக்கும் நேரத்திற்குள் நடந்த இந்த கொடூர சம்பவத்தில் 6 மாணவர்களும் நீரில் மூழ்கி பரிதாபமாக உயிரிழந்தனர். உயிரிழந்த 6 பேருமே அப்பகுதியில் உள்ள ‘ஷிரீஷா சேவா அறக்கட்டளை’ நிறுவனத்தில் தங்கிப் படித்து வந்த மாணவர்கள் என்பது தெரியவந்துள்ளது. பண்டிகை நேரத்தில் 6 பிஞ்சு மாணவர்கள் நீரில் மூழ்கி உயிரிழந்த சம்பவம் அப்பகுதி முழுவதையும் சோகத்தில் ஆழ்த்தியுள்ளது.