தோளில் மஞ்சள் துண்டு… கருப்பு சட்டை – அந்த கேரக்டரில் தான் வருகிறாரா சிவகார்த்திகேயன்? பராசக்தி படம் கிளப்பிய அடுத்த சர்ச்சை!

நடிகர் சிவகார்த்திகேயன் நடித்த பராசக்தி படம் வருகிற 10ம் தேதி ரிலீசாக உள்ளது. ஏற்கனவே இந்த படம் குறித்த கடும் விமர்சனங்களும் சர்ச்சைகளும் இருந்து வருகின்றன. குறிப்பாக சிவாஜி ரசிகர்கள் மத்தியில் பராசக்தி என்ற டைட்டிலில் சிவகார்த்திகேயன் நடித்தது கடும் கோபத்தை ஏற்படுத்தியுள்ளது.

நடிகர் திலகம் சிவாஜி கணேசனின் வாரிசுகளாக நடிகர் பிரபு, சிவாஜியின் பேரன் விக்ரம் பிரபு உள்ள நிலையில் பராசக்தி என்ற பட டைட்டிலில் எப்படி சிவகார்த்திகேயன் நடிக்கலாம்? சிவாஜியின் வாரிசா சிவகார்த்திகேயன் என்று பலரும் கடுமையான எதிர்ப்புகளை தெரிவித்து வருகின்றனர்.

இந்நிலையில் பராசக்தி படத்திலிருந்து சிவகார்த்திகேயனின் புதிய லுக் போஸ்டர் ஒன்று வெளியாகி உள்ளது. அதில் கருப்பு சட்டை அணிந்தபடி தோளில் மஞ்சள் துண்டு போட்டபடி சிவகார்த்திகேயன் இருக்கிறார். இந்த போஸ்டரை பார்த்த பலரும் என்ன இது? மஞ்சள் துண்டு கருப்பு சட்டை எல்லாம் போட்டு இருக்கிறார். கதையும் மொழிப்போர் தொடர்புடையது. இந்த படத்தில் சிவகார்த்திகேயன் கலைஞர் கருணாநிதி கேரக்டரில் வருகிறாரா? அப்படி தான் அவரை டைரக்டர் சித்தரித்துள்ளாரா என்று விமர்சனம் செய்கின்றனர்.