டாக்டர் படிச்சிட்டு நடிக்க வந்தது இதனால தான்.. மனம் திறந்த சிறகடிக்க ஆசை சீரியல் நடிகை சீதா..!

விஜய் டிவி ஒளிபரப்பாகி வரும் அனைத்து சீரியல்களுக்கும் மக்கள் மத்தியில் நல்ல வரவேற்பு இருக்கின்றது. அதிலும் தற்போது சிறகடிக்க ஆசை சீரியல் தான் ட்ரெண்டிங்கில் நம்பர் ஒன் இடத்தை பிடித்திருக்கின்றது. அதிக குடும்ப பெண்கள் இந்த சீரியலை பார்த்து வருகிறார்கள். விறுவிறுப்புக்கு பஞ்சம் இல்லாமல் இந்த சீரியல் ஒளிபரப்பாகி வருகின்றது.

அதிலும் முத்து, மீனா இருவருக்காக இந்த சீரியலை மக்கள் அதிக அளவில் பார்த்து வருகிறார்கள். தற்போது இந்த சீரியலில் மனோஜ் புதிய கடையை திறந்து இருக்கின்றார். அதிலும் தனது அப்பா காசை வைத்தே கடையை திறந்து விட்டு ரோகினியின் அப்பா தான் பணத்தை கொடுத்தார் என்று ரோகிணியும் மனோஜம் ஏமாற்றி வருகிறார்கள்.

இப்படி இந்த சீரியலின் கதை ஓடிக் கொண்டிருக்கின்றது. இந்த சீரியலில் மீனாவின் தங்கை சீதா கதாபாத்திரத்தில் நடித்து வருபவர் நடிகை சங்கீதா. அந்த சீரியலில் இவருக்கு சிறிய கதாபாத்திரமாக இருந்தாலும் மிகவும் சிறப்பாக நடித்து வருகின்றார். ஆனால் அவர் நிஜத்தில் டாக்டர் படிப்பை முடித்து இருக்கின்றார்.

இது குறித்து சமீபத்திய பேட்டி ஒன்றில் பேசிய அவர் தெரிவித்திருந்ததாவது “தனக்கு நடிப்பு மீது இருந்த ஆர்வம் காரணமாக நடிக்க வந்தேன். ஆனால் டாக்டர் படிப்பை முடித்து விட்டேன். முதலில் நடனம் கற்றுக் கொண்டேன், அதை தொடர்ந்து தான் சினிமாவில் நடிக்க வேண்டும் என்ற ஆசை வந்தது. பின்னர் 5 வருடம் டாக்டர் படிப்பை முடித்துவிட்டு தற்போது நடித்து வருகிறேன்” என்று தெரிவித்திருந்தார். இவர் சமீபத்தில் ஒரு படத்தில் முக்கிய கதாபாத்திரத்தில் நடிப்பதற்கு கமிட்டாகியிருந்தார். இது தொடர்பான பூஜை புகைப்படங்கள் கூட வெளியாகி வைரலாகி வந்தது குறிப்பிடத்தக்கது.