திக்.. திக்..! திட்டமிட்ட கொலையா?… கடைசி நிமிட CCTV காட்சி… தொழிலதிபர் மரணத்தில் புது டுவிஸ்ட்… பின்னணியில் இளம்பெண்?…!!

லக்னோ தொழிலதிபர் ஷிவா சர்மா மரண வழக்கில், அவர் உயிரிழப்பதற்கு சற்று முன் அவாத் கிரீன் அடுக்குமாடி குடியிருப்பின் படிக்கட்டுகளில் முதன்மை சந்தேக நபரான ஸ்ரத்தா துபே மற்றும் அவரது சகோதரி ரஷ்மியுடன் கீழே இறங்கிச் செல்லும் சிசிடிவி காட்சிகள் வெளியாகி பரபரப்பை ஏற்படுத்தியுள்ளன. அதே குடியிருப்பில் வசிக்கும் அஜய் ராய் என்பவர், ஸ்ரத்தா முன்பு கேமரா பொருத்துவதை வன்மையாக எதிர்த்ததாகவும், கேமராவின் அமைவிடம் மற்றும் பார்வைக் கோணம் குறித்து அவருக்கு முன்கூட்டியே தெளிவாகத் தெரிந்திருந்தது என்றும் சந்தேகம் கிளப்பியுள்ளார். மேலும், சம்பவம் நடந்த நேரத்தில் ஷிவா சர்மா விழுந்த திசை கேமராவில் பதிவாகாத வகையில் இருந்ததும், படிக்கட்டுகளைத் தவிர்த்து நபர்கள் வெளியேறிய விதமும் பலத்த சந்தேகங்களை உருவாக்கியுள்ளன.

ஸ்ரத்தா இதனைத் தற்கொலை எனக் கூறி காணொளி வெளியிட்டிருந்தாலும், சர்மாவின் தாயார் இது திட்டமிட்ட கொலை எனப் புகார் அளித்துள்ளதால் உண்மைநிலையைக் கண்டறிய காவல்துறை களமிறங்கியுள்ளது. நான்காவது மாடியிலிருந்து அவர் தானாகக் குதித்தாரா, தவறி விழுந்தாரா அல்லது பலவந்தமாகத் தள்ளிவிடப்பட்டாரா என்பதை உறுதிப்படுத்த, சர்மாவின் எடை கொண்ட பொம்மையைக் கொண்டு குற்ற நிகழ்வு மறுஉருவாக்க சோதனையைத் தடயவியல் குழுவினர் திட்டமிட்டுள்ளனர். இதன் மூலம் பொம்மை விழுந்த விசை, கோணம், தரைப்பரப்புத் தொலைவு மற்றும் உடலில் ஏற்படும் காயங்களை உடற்கூறாய்வு அறிக்கையோடு ஒப்பிட்டு, மரணத்தின் பின்னணியிலுள்ள மர்மத்தை வெளிக்கொணர புலனாய்வு தீவிரப்படுத்தப்பட்டுள்ளது.