ஐயோ… மொமோஸ் தகராறில் கொடூரம்… மாணவரின் முகத்தில் எண்ணெயை ஊற்றித் தாக்குதல்… நெஞ்சை நடுங்கவைக்கும் அதிர்ச்சி சம்பவம்…!

ரூ.20 மொமோஸ் ஆர்டர் தொடர்பாக ஏற்பட்ட தகராறில், குவாலியரின் ஹஜிரா பகுதியில் 18 வயது மாணவர் மீது கொதிக்கும் எண்ணெயை ஊற்றித் தாக்குதல் நடத்திய சம்பவம் பெரும் பரபரப்பை ஏற்படுத்தியுள்ளது. தான் வாங்கிய மொமோஸின் அளவு குறைவாக இருப்பதாக அம்மாணவர் புகார் அளித்ததைத் தொடர்ந்து, வியாபாரிக்கும் அவருக்கும் இடையே வாக்குவாதம் ஏற்பட்டு இறுதியில் இந்த வன்முறைச் சம்பவத்தில் முடிந்துள்ளது.

இந்தத் தாக்குதலின் போது கொதிக்கும் எண்ணெய் முகத்தில் பட்டதில், அந்த மாணவரின் முகமும் காதுகளும் பலத்த தீக்காயங்களுக்கு உள்ளாகின. உடனடியாக மீட்கப்பட்ட அவர் சிகிச்சைக்காக அருகில் உள்ள மருத்துவமனையில் அனுமதிக்கப்பட்டார். இச்சம்பவம் நடந்த உடனே, குற்றஞ்சாட்டப்பட்ட மொமோஸ் வியாபாரி அங்கிருந்து தப்பி ஓடிவிட்டார்.

https://twitter.com/IndiaToday/status/2107391474136690900/video/1

இச்சம்பவம் குறித்து வழக்குப் பதிவு செய்துள்ள காவல்துறையினர், தப்பியோடிய வியாபாரியைத் தீவிரமாகத் தேடி வருகின்றனர். மேலும், இந்தத் தாக்குதல் சம்பவம் தொடர்பாக அப்பகுதியில் இருந்தவர்களிடம் விசாரணை நடத்தி, மேலதிக நடவடிக்கைகளை மேற்கொண்டு வருகின்றனர்.