ஆந்திர பிரதேசத்தின் கோனசீமா மாவட்டத்தில் 11 வயது சிறுமி தனது பெற்றோருடன் வசித்து வருகிறார். இந்த நிலையில் ஜனசேனா கட்சி உறுப்பினர் வெங்கடகிருஷ்ணா என்பவர் ஆறாம் வகுப்பு படிக்கும் 11 வயது சிறுமிக்கு பாலியல் ரீதியாக தொந்தரவு அளித்துள்ளார். இதுகுறித்து சிறுமி தனது தாயிடம் தெரிவித்த கதறி அழுதார். இதனை கேட்டு அதிர்ச்சியடைந்த சிறுமியின் தாய் காவல் நிலையத்தில் புகார் அளித்தார்.
அந்த புகாரின் பேரில் வழக்கு பதிவு செய்த போலீசார் வெங்கட கிருஷ்ணாவை போக்சோ சட்டத்தின் கீழ் கைது செய்தனர். அவருக்கு கடுமையான தண்டனை வழங்க வேண்டும் என சிறுமியின் தாய் கூறியுள்ளார். இந்த சம்பவம் அப்பகுதியில் அதிர்ச்சியை ஏற்படுத்தியுள்ளது.