அட கொடுமையே… ஃபேஷன் ஷோவில் கொந்தளித்த திருநங்கை மாடல்… பவுன்சர்களுடன் வெடித்த காரசார மோதல்… டெல்லியில் ஷாக்கிங் சம்பவம்…!

டெல்லியில் உள்ள சத்தர்பூர் சென்ட்ரல் பகுதியில் நடைபெற்ற ஃபேஷன் ஷோ ஒன்றில் திருநங்கை மாடலிங் அழகிக்கு நேர்ந்த தவறான நடத்தை காரணமாக அங்குப் பெரும் பரபரப்பும் மோதலும் ஏற்பட்டது. இந்த நிகழ்வில் மாடலாகப் பங்கேற்ற பாவ்னா என்ற திருநங்கை, அங்கிருந்த பவுன்சர்கள் மற்றும் அமைப்பாளர்கள் சிலர் தனக்குத் தவறான முறையில் தொடுதல் இழைத்ததாகக் குற்றம்சாட்டி அங்கே போராட்டத்தில் ஈடுபட்டார்.

சம்பவ இடத்தில் எடுக்கப்பட்ட வீடியோ சமூக வலைத்தளங்களில் வெளியாகி வைரலாகி வருகிறது. அந்த வீடியோவில், மாடல் பாவ்னா நிகழ்ச்சி அமைப்பாளர்களிடம் ஆவேசமாக நியாயம் கேட்பதோடு, அங்குள்ள மற்ற பெண் மாடல்களையும் எச்சரிக்கிறார். “இந்த ஃபேஷன் ஷோவில் பங்கேற்பதற்கு முன் யோசியுங்கள், இங்குள்ள ஆடை வடிவமைப்பாளரின் பவுன்சர்கள் தவறான முறையில் தொடுகிறார்கள்” என்று அவர் பகிரங்கமாகக் குரல் எழுப்புவது அதில் பதிவாகியுள்ளது.

இந்த மோதலால் ஃபேஷன் ஷோ நடைபெற்ற இடத்தில் பெரும் தள்ளுமுள்ளும் பதற்றமும் நிலவியது. தகராறு முற்றவே, அங்கிருந்தவர்கள் தலையிட்டுச் சூழ்நிலையைக் கட்டுப்படுத்த முயன்றனர். இந்த நிகழ்ச்சி ஆடை வடிவமைப்பாளர் மோஹித் அரோராவால் ஏற்பாடு செய்யப்பட்டது என்பது குறிப்பிடத்தக்கது.