தமிழகச் சட்டமன்றத் தேர்தல் நெருங்கி வரும் வேளையில், கோவை மாவட்டத்தின் அரசியல் களம் தற்போதே சூடுபிடிக்கத் தொடங்கியுள்ளது. குறிப்பாக, அதிமுகவின் கோட்டையாகக் கருதப்படும் முன்னாள் அமைச்சர் எஸ்.பி. வேலுமணியின் தொண்டாமுத்தூர் தொகுதியைக் கைப்பற்ற திமுக தீவிரமான வியூகங்களை வகுத்து வருகிறது. இதற்காகத் தொண்டாமுத்தூர் சட்டமன்றத் தொகுதிக்கான திமுக தேர்தல் அலுவலகத்தை முன்னாள் அமைச்சர் செந்தில் பாலாஜி திறந்து வைத்தார். கடந்த முறை கோவையில் ஒரு தொகுதியில் கூட வெற்றி பெற முடியாத நிலையை மாற்ற, இம்முறை அவர் ஒரு ‘பக்கா ஸ்கெட்ச்’ போட்டு களமிறங்கியுள்ளார்.
தேர்தல் அலுவலகத் திறப்பு விழாவில் பேசிய செந்தில் பாலாஜி, பூத் கமிட்டி நிர்வாகிகளின் முக்கியத்துவத்தை வலியுறுத்தினார். “வாக்குச்சாவடி முகவர்கள்தான் இயக்கத்தின் ஆணிவேர்; அவர்கள் அடிமட்டத் தொண்டர்களை மதித்துச் செயல்பட வேண்டும்” என்று அறிவுறுத்தினார். கடந்த முறை திமுகவிற்கு வாக்களிக்காத மக்களையும் சந்தித்து, அரசின் திட்டங்களை விளக்கி அவர்களின் மனமாற்றத்தைச் செய்ய வேண்டும் என்றும், நிர்வாகிகளுக்குக் கட்சிப் பணிகள் குறித்து கடுமையான எச்சரிக்கைகளையும் விடுத்தார். சிறப்பாகப் பணியாற்றும் நிர்வாகிகளுக்குப் பரிசுகள் காத்திருப்பதாகவும் அவர் உற்சாகப்படுத்தினார்.
கோயம்புத்தூர் மாவட்டத்தின் வளர்ச்சிக்காக முதலமைச்சர் மு.க. ஸ்டாலின் சென்னைக்கு அடுத்தபடியாக அதிக திட்டங்களை வழங்கியுள்ளதைச் சுட்டிக்காட்டிய செந்தில் பாலாஜி, கோவையில் உள்ள 10 தொகுதிகளிலும் உதயசூரியன் சின்னத்தை வெற்றி பெறச் செய்வதே முதலமைச்சருக்குத் தொண்டர்கள் செலுத்தும் நன்றிக்கடன் என்று குறிப்பிட்டார். தொண்டாமுத்தூர் தொகுதியில் சரித்திர சாதனை படைக்கும் வகையில் அதிக வாக்கு வித்தியாசத்தில் வெற்றி பெற அனைவரும் ஒன்றிணைந்து உழைக்க வேண்டும் என்று நிர்வாகிகளுக்கு அவர் அழைப்பு விடுத்தார்.
செய்தியாளர்களைச் சந்தித்தபோது, இது தனிப்பட்ட நபர்களுக்கு இடையிலான போட்டியல்ல, கொள்கைகளுக்கான போட்டி என்று செந்தில் பாலாஜி தெளிவுபடுத்தினார். “யார் வந்தாலும், யார் போனாலும் எங்களுக்குக் கவலையில்லை; வாக்காளர்கள் எங்களுக்கு வாக்களித்தாலே கோவையில் உள்ள அனைத்துத் தொகுதிகளிலும் நாங்கள் எளிதாக வெற்றி பெறுவோம்” என்று அவர் தன்னம்பிக்கையுடன் தெரிவித்தார். செந்தில் பாலாஜியின் இந்த அதிரடி நகர்வுகள் மற்றும் தேர்தல் உத்திகள் கோயம்புத்தூர் மாவட்ட திமுகவினரிடையே பெரும் எழுச்சியை ஏற்படுத்தியுள்ளன.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…