திமுக மூத்த தலைவரும் முன்னாள் அமைச்சருமான கே.என். நேருவுக்குத் தொடர்புள்ள இடங்களில் லஞ்ச ஒழிப்புத் துறை (DVAC) அதிரடிச் சோதனைகளை நடத்தி எஃப்.ஐ.ஆர் பதிவு செய்துள்ளதைத் தொடர்ந்து, அடுத்தகட்டமாக செந்தில் பாலாஜி மீது சட்டப் பிடியை இறுக்க தவெக அரசு ஆயத்தமாகி வருகிறது.
குதிரை பேரம் மற்றும் ஊழல் முறைகேடு தொடர்பான வழக்குகளில் செந்தில் பாலாஜிக்கு வழங்கப்பட்டுள்ள இடைக்காலத் தடையை உடனடியாக நீக்க வேண்டும் என்றும், வழக்கை வலுவாக நீதிமன்றத்தில் கொண்டு செல்ல வேண்டும் என்றும் அரசு வழக்கறிஞர்களுக்கு முதல்வர் விஜய் உத்தரவிட்டுள்ளதாகக் கூறப்படுகிறது. இதன் தொடர்ச்சியாகத் தடையை நீக்கி, ஊழல் மற்றும் முறைகேடு வழக்குகளின் கீழ் ‘வி.எஸ்.பி’ (V. Senthil Balaji) அவர்களைக் கைது செய்வதற்கான நடவடிக்கைகளை முடுக்கிவிட்டு, அரசியல் களத்தில் அடுத்த அதிரடிக்குத் தமிழக வெற்றிக் கழக அரசு திட்டமிட்டு வருகிறது.