தமிழகத்தில் 2026 சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே இருப்பதால் வழக்கம் போல அதிமுக மற்றும் திமுக போட்டிக்கு தயாராகிவிட்டது. அதிமுக ஒரு பக்கம் மக்களை காப்போம் தமிழகத்தை மீட்போம் என்ற சுற்றுப்பயணத்தையும், திமுக ஓரணியில் தமிழ்நாடு என்ற பயணத்தையும் தொடங்கி அதனை சிறப்பாக நடத்தி வருகின்றது. அதேசமயம் மாற்றுக் கட்சியினரை தங்கள் கட்சியில் சேர்ப்பதற்கான வேலைகளும் ஒரு பக்கம் நடந்து கொண்டிருக்கிறது.
இந்த நிகழ்வில் முன்னிலை பெறுவது திமுக என்றுதான் சொல்ல வேண்டும். மாற்றுக் கட்சிகளில் கூட தொண்டர்கள் தான் கட்சி மாறி வருகிறார்கள். ஆனால் திமுகவில் மட்டும் அதிமுகவை சேர்ந்த முக்கிய அமைச்சர்கள் இணைந்து வருகின்றன. அதன்படி சிங்காநல்லூர் தொகுதியில் 2006 மற்றும் 2011 ஆம் ஆண்டு நடந்த தேர்தலில் எம்எல்ஏவாக இருந்த சின்னசாமி திடீர் திருப்பமாக திமுகவில் இணைந்துள்ளார். ஏற்கனவே அதிமுகவிலிருந்து அன்வர் ராஜா, மைத்ரேயன், மருது அழகுராஜா போன்ற முக்கிய தலைவர்கள் திமுகவில் இணைந்த நிலையில் தற்போது புதிதாக சின்னசாமியும் திமுகவில் இணைந்துள்ளது இபிஎஸ்ஸுக்கு அதிர்ச்சியை கொடுத்துள்ளது.
கோவையில் தொடர்ந்து தோல்வியை தழுவி வரும் திமுக இந்த முறை அங்கு வெற்றி பெற வேண்டும் என்று அந்தப் பகுதியை செந்தில் பாலாஜியிடம் ஒப்படைத்துவிட்டது. இந்நிலையில் கோவையை மெல்ல மெல்ல தி.மு.க வசம் கொண்டு வரும் செந்தில் பாலாஜியை முதலில் அதிமுக அமைச்சர்களை திமுகவில் சேர்க்கும் பணியை கையில் எடுத்துள்ள நிலையில் அது தற்போது வெற்றி பெற்றுள்ளது. அதிமுகவின் முக்கிய முகமாக இருந்த செங்கோட்டையன் தமிழக வெற்றி கழகம் கட்சியில் சேர்ந்தது பேசு பொருளாக நிலையில் தற்போது சின்னசாமியின் இணைவு அரசியலில் அடுத்த பரபரப்பை கிளப்பியுள்ளது