செங்கோட்டையன் அதிர்ச்சி… மீண்டும் அதிமுகவில் இணைந்த முக்கிய புள்ளி… அரசியலில் யாரும் எதிர் பார்க்காத திருப்பம்…!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருப்பதால் அனைத்து அரசியல் கட்சிகளும் தேர்தல் களத்தில் தீவிரமாக செயல்பட்டு வருகின்றன. குறிப்பாக அதிமுகவின் மூத்த தலைவரான செங்கோட்டையன் விஜய் கட்சியில் இணைந்த பிறகு அடுத்தடுத்து அதிமுகவிலிருந்து முக்கிய பிரபலங்கள் பலரும் விலகி வருகிறார்கள். இது இபிஎஸுக்கு தொடர்ந்து அதிர்ச்சியை கொடுத்து வருகிறது. அதேசமயம் பாஜகவுடன் கூட்டணி வைத்துள்ள அதிமுக இந்த முறை ஆட்சியைப் பிடிக்க பல வியூகங்களை வகுத்து வருகிறது.

இப்படியான நிலையில் கடந்த ஏப்ரல் மாதம் அதிமுகவிலிருந்து விலகிய வடவள்ளி சந்திரசேகர் மீண்டும் அதிமுகவில் இணைந்தார். எஸ் பி வேலுமணியின் வலது கரமாக செயல்பட்டு வந்த கோவையை சேர்ந்த சந்திரசேகர் அதிமுகவில் எம்ஜிஆர் இளைஞர் அணி மாநில இணைச்செயலாளராகவும் பதவி வகித்து வந்தார். சந்திரசேகரனை வளைக்க செங்கோட்டையன் பேச்சுவார்த்தையில் ஈடுபட்டு வந்ததாக கூறப்பட்டது. ஆனால் திடீர் திருப்பமாக வேலுமணி முன்னிலையில் அவர் அதிமுகவில் இணைந்துள்ளது செங்கோட்டையனுக்கு அதிர்ச்சியை கொடுத்துள்ளது.