சனிக்கிழமை சஸ்பென்ஸ் உடைந்தது… எடப்பாடிக்கு செக் வைத்த செங்கோட்டையன்… தமிழக அரசியலில் அடுத்த பரபரப்பு….!

அதிமுகவின் மூத்த தலைவரும், முன்னாள் அமைச்சருமான கே.ஏ.செங்கோட்டையனின் சொந்த மாவட்டமான ஈரோட்டில், சனிக்கிழமைதோறும் மாற்றுக்கட்சியினர் தமிழக வெற்றி கழகத்தில் இணைந்து வருவது அரசியல் வட்டாரத்தில் பெரும் பரபரப்பை ஏற்படுத்தியுள்ளது. இதுவரை இந்த இணைப்பு நிகழ்ச்சிகளில் பங்கேற்காமல் விலகியிருந்த செங்கோட்டையன், நேற்று முன்தினம் நடைபெற்ற நிகழ்வில் திடீரென கலந்துகொண்டது அக்காட்சியினரிடையே பெரும் ஆச்சரியத்தையும் திருப்பத்தையும் ஏற்படுத்தியுள்ளது.

இந்த திடீர் மாற்றத்திற்கு அதிமுகவினரின் அழுத்தமே முக்கியக் காரணம் என்று கூறப்படும் நிலையில், ஈரோடு மாவட்ட தவெக முக்கிய நிர்வாகியான செங்கோட்டையன் திரைமறைவில் நடத்திய சுமுகப் பேச்சுவார்த்தையின் பலனாகவே, அதிமுகவினர் பெருமளவில் தவெகவை நோக்கி படையெடுத்து வருவதாகவும், அதற்கு அச்சாரமாகவே செங்கோட்டையனின் இந்த பங்கேற்பு அமைந்திருப்பதாகவும் அரசியல் விமர்சகர்கள் கருதுகின்றனர்.