வருத்தமா இருக்கு… எத்தனை வருஷமா போராடுறேன்… இதையாவது செஞ்சிருக்க இருக்கக்கூடாதா..? தேர்தல் ரிசல்ட்டால் அப்செட் ஆன சீமான்..!!

தமிழகச் சட்டமன்றத் தேர்தல் முடிவுகள் குறித்து நாம் தமிழர் கட்சியின் ஒருங்கிணைப்பாளர் சீமான் தனது ஆழ்ந்த வருத்தத்தைப் பகிர்ந்துள்ளார். மாற்று அரசியல் பேசி வரும் தங்களுக்கு, மக்கள் இன்னும் ஒரு 10 லட்சம் வாக்குகள் கூடுதலாகச் செலுத்தி 8% வாக்குகளைக் கொடுத்து இருக்கக்கூடாதா? என்ற ஆதங்கம் தமக்கு உள்ளதாக அவர் தெரிவித்துள்ளார். நீண்ட காலமாகத் தனித்துப் போட்டியிட்டு வரும் நிலையில், இந்தத் தேர்தல் முடிவுகள் அவருக்கு ஏமாற்றத்தைத் தந்துள்ளதாகத் தெரிகிறது.

மேலும், இந்தத் தேர்தலில் தான் உட்பட மொத்தம் 5 பேர் வெற்றி பெறுவோம் எனத் தாம் கணித்ததாகவும், ஆனால் அது நடக்கவில்லை என்றும் சீமான் வேதனையுடன் குறிப்பிட்டுள்ளார்.  தேர்தல் களத்தில் தாம் எதிர்பார்த்த வெற்றி கிடைக்காதது குறித்தும், மக்களின் வாக்கு விகிதம் குறித்தும் அவர் வெளிப்படையாகப் பேசியிருப்பது அரசியல் வட்டாரத்தில் கவனத்தைப் பெற்றுள்ளது.