காலம் எங்க போயிட்டு இருக்கு?… ரீல்ஸ் போடுவதில் தகராறு… சாலையில் அடிதடியில் இறங்கிய 2 பள்ளியை சேர்ந்த 70-க்கும் மேற்பட்ட மாணவிகள்.. பரபரப்பு சம்பவம்..!

திருப்பூரில் உள்ள பெண்கள் மேல்நிலைப் பள்ளியில் படிக்கும் பிளஸ் ஒன் மற்றும் பிளஸ் 2 மாணவிகள் சேர்ந்து இன்ஸ்டாகிராமில் குழு ஆரம்பித்து சமூக வலைத்தளங்களில் தாங்கள் தான் கெத்து என்ற பாணியில் பதிவுகளை போட்டு வந்துள்ளனர். அதேசமயம் திருப்பூரிலிருந்து 10 கிலோமீட்டர் தொலைவில் உள்ள கணபதி பாளையம் அரசுப்பள்ளி மாணவிகளும் இதுபோலவே ஒரு இன்ஸ்டாகிராம் குழுவை ஆரம்பித்து பதிவுகளை போட்டு வந்துள்ளனர். இதில் இரண்டு பள்ளி மாணவிகளுக்கும் இடையில் நீங்க பெரிய ஆளா? நாங்க பெரிய ஆளா என்ற பாணியில் பதிவுகள் போடப்பட்டு வந்துள்ளது.

ஒரு கட்டத்தில் இந்த சமூக வலைத்தள சண்டை முற்றியதில் கோபமடைந்த திருப்பூர் பள்ளி மாணவிகள் சுமார் 50-க்கும் மேற்பட்டவர்கள் நேற்று முன்தினம் மாலை பேருந்து ஏரி 10 கிலோமீட்டர் தொலைவில் பயணம் செய்து கணபதி பாளையம் பள்ளி முன்பு சென்று அந்த மாணவிகளிடம் சாலையோரத்தில் தகராறில் ஈடுபட்டுள்ளனர். பேச்சுவார்த்தையாக தொடங்கிய இந்த சண்டை ஒரு கட்டத்தில் பெரிய போர்க்களமானது. இளம் வயது மாணவிகள் சிலர் முகத்தை மறைத்துக் கொண்டும் பலர் முகத்தை மறைக்காமலும் சாலையில் தவறில் ஈடுபட்ட நிலையில் அந்த பகுதியை சற்று நேரத்தில் போர்க்களமாக மாறியது.

சாலை முழுவதும் மாணவிகளின் அடிதடியை பார்த்து பொதுமக்கள் அதிர்ச்சியில் அப்படியே உறைந்து நின்றனர். தடுக்க முற்பட்டவர்களிடம் மாணவிகள் சண்டை போட்ட நிலையில் உடனே போலீசாருக்கு தகவல் தெரிவிக்கப்பட்டது. சம்பவ இடத்திற்கு விரைந்த போலீசார் தகராறு ஈடுபட்ட மாணவிகளின் பெற்றோரை வரவழைத்து பேசியுள்ளனர். மேலும் மாணவிகள் தாக்கிக் கொள்ளும் இந்த வீடியோ தற்போது இணையத்தில் வெளியாகி அதிர்ச்சியை ஏற்படுத்தியுள்ளது.