ஹீரோனா பின்ன சும்மாவா..! சம்பளத்தை அதிரடியாக உயர்த்திய சூரி.. கருடன் படத்திற்கு எவ்வளவு சம்பளம் தெரியுமா..?

தமிழ் சினிமாவில் இயக்குனர் துரை செந்தில்குமார் இயக்கத்தில் நடிகர் சூரி மற்றும் சசிகுமார் நடிப்பில் உருவான திரைப்படம் கருடன். இப்படம் இன்று வெளியாகி ரசிகர்களிடையே கலவையான விமர்சனத்தை பெற்றிருக்கின்றது. இப்படத்தில் நடிப்பதற்கு நடிகர் சூரி மற்றும் சசிகுமார் வாங்கிய சம்பளம் பற்றிய தகவல் வெளியாகியிருக்கின்றது.

தமிழ் சினிமாவின் வித்தியாசமான கதைகளை யோசித்து இயக்க வேண்டும் என்று பல இயக்குனர்கள் ஆசைப்படுவார்கள். அப்படிப்பட்ட இயக்குனர்களில் முதன்மை இடத்தில் இருப்பது வெற்றிமாறன். இவரின் இயக்கத்தில் கடைசியாக நடிகர் சூரி விடுதலை என்ற திரைப்படத்தில் நடித்திருந்தார். இந்த திரைப்படம் சூப்பர் டூப்பர் ஹிட் கொடுத்தது.

இதுவரை நகைச்சுவை நடிகராக மட்டுமே சூரியை பார்த்து வந்த நமக்கு விடுதலை படத்தில் ஹீரோவாக குமரேசன் என்கின்ற கதாபாத்திரத்தில் நடித்து அசத்தியிருப்பார். இந்த படம் வெளியாகி சூரிக்கு பாராட்டுக்கள் குவிந்தது. விடுதலை படத்தை தொடர்ந்து சூரி ஹீரோவாக அடுத்து நடித்துள்ள திரைப்படம் தான் கருடன். இந்த திரைப்படத்தை வெற்றிமாறனின் உதவி இயக்குனராக இருந்து பின்னர் எதிர்நீச்சல் திரைப்படத்தின் மூலமாக இயக்குனராக மாறிய துரை செந்தில் இயக்கியிருந்தார்.

இப்படத்தில் நடிகர் சூரி, சசிகுமார், உன்னி முகுந்தன், ரேவதி சர்மா, ஸ்வேதா, ரோஷினி ஹரிபிரியன், சமுத்திரகனி உள்ளிட்ட பல பிரபலங்கள் நடித்திருக்கின்றார்கள். இப்படத்தின் டிரைலர் வெளியாகி படத்தின் மீதான எதிர்பார்ப்பை அதிகரித்தது. இப்படத்தில் இடம்பெற்ற வசனம் அனைத்துமே நல்ல வரவேற்பு பெற்று இருந்தது. விடுதலை திரைப்படத்தை போலவே இப்படத்திலும் ஆக்ஷன் காட்சிகள் எமோஷனல் காட்சிகள் நல்ல ஸ்கோர் செய்துள்ளது.

முன்னதாக படத்தின் ப்ரோமோஷனல் கலந்துகொண்ட சூரி காமெடி கதாபாத்திரங்களில் நடிக்கும் போது அதற்கான காட்சிகளை மட்டுமே நடித்துவிட்டு செல்வோம். ஆனால் கதாநாயகனாக நடிக்கின்ற போது மிகப்பெரிய பொறுப்புணர்வு இருப்பதாக உணர்கிறேன் என்று கூறியிருந்தார். இன்று கருடன் திரைப்படம் வெளியாகி கலவையான விமர்சனங்களை பெற்று வரும் நிலையில் சூரி இப்படத்திற்கு எட்டு கோடி வரை சம்பளம் பெற்றுள்ளதாக கூறப்படுகின்றது. மேலும் நடிகர் சசிகுமார் இரண்டு கோடி வரை சம்பளம் வாங்கி இருக்கின்றார்.