சினேகாவால் GOAT பட குழுவிற்கு ஏற்பட்ட சிக்கல்.. சரி பண்ண போராடும் வெங்கட் பிரபு..!!

தமிழ் சினிமாவின் உச்ச நட்சத்திரமாக விளங்கும் விஜய் வெங்கட் பிரபு இயக்கத்தில் உருவான தி கிரெட்டஸ்ட் ஆப் ஆல் டைம் படத்தில் நடித்து முடித்துள்ளார். இந்த படத்தில் சினேகா, லைலா, மீனாட்சி சவுத்ரி, பிரபுதேவா, பிரசாந்த் உள்ளிட்டோர் முக்கிய கதாபாத்திரத்தில் நடித்துள்ளனர். வருகிற செப்டம்பர் மாதம் ஐந்தாம் தேதி கோட் திரைப்படம் பிரம்மாண்டமாக ரிலீசாக உள்ளது.

இந்த படத்திற்கு யுவன் சங்கர் ராஜா இசையமைத்துள்ளார். ஏற்கனவே கோட் படத்தில் இருந்து இரண்டு லிரிக்ஸ் வீடியோ வெளியாகி ரசிகர்களிடையே மிகுந்த வரவேற்பை பெற்றுள்ளது. ஆகஸ்ட் முதல் வாரத்தில் படத்தை மூன்றாவது சிங்கள வெளியிட திட்டமிட்டுள்ளனர். மேலும் ஆகஸ்ட் மூன்றாவது வாரத்தில் இசை வெளியீட்டு விழா நடத்த திட்டமிட்டு இருப்பதாக கூறப்படுகிறது.

ஷூட்டிங் ஏற்கனவே முடிவடைந்ததால் தற்போது போஸ்ட் ப்ரோடுக்ஷன் பணிகள் நடைபெற்றுக் கொண்டிருக்கிறது. கோட் திரைப்படத்தில் விஜய் அப்பா, மகன் என இரு கதாபாத்திரத்தில் நடித்துள்ளார். இதில் அப்பா விஜய்க்கு ஜோடியாக சினேகா நடிக்கிறார். இந்த நிலையில் சினேகா கதாபாத்திரத்திற்கு பழைய நடிகையும், டப்பிங் ஆர்ட்டிஸ்டுமான சரிதாவை டப்பிங் பேச வைக்கலாம் என பட குழுவினர் நினைத்தனர்.

இதற்காக சரிதாவை தொடர்பு கொண்ட போது அவர் தனது குடும்பத்துடன் அமெரிக்காவில் இருப்பதாகவும், வர ஒரு மாதம் ஆகும் எனவும் கூறியுள்ளார். உடனே மொபைல் டப்பிங் தியேட்டர் என்ற ஒரு டெக்னாலஜியை வைத்து சரிதா அமெரிக்காவில் இருந்தபடியே டப்பிங் பேசுவதற்கு ஏற்பாடு செய்துள்ளார்கள். சரிதா பேசுவதை இங்கிருக்கும் தொழில்நுட்ப கலைஞர்கள் சினேகா பேசுவதற்கு ஏற்றார் போல அதனை சரி செய்து வருகின்றனர். ஏற்கனவே சரிதா ஜோதிகா சிம்ரன் போன்ற முன்னணி நடிகைகளுக்கு டப்பிங் பேசியுள்ளார் என்பது குறிப்பிடத்தக்கதாகும்.