2026 சட்டமன்றத் தேர்தலில் போட்டியிட மாட்டேன்… சரத்குமார் பரபரப்பு அறிவிப்பு..!

தன் அகில இந்திய சமத்துவ மக்கள் கட்சியை பாரதிய ஜனதா கட்சியுடன் இணைத்த நடிகர் சரத்குமார், வரும் 2026 தமிழக சட்டமன்றத் தேர்தலில் தாம் போட்டியிடப் போவதில்லை என்று அதிரடியாக அறிவித்துள்ளார். கடந்த காலங்களில் இரண்டு முறை சட்டமன்ற உறுப்பினராக  மக்களால் தேர்ந்தெடுக்கப்பட்ட அவர், இந்த முறை தேர்தல் களத்தில் நேரடியாகப் போட்டியிடப் போவதில்லை என்ற முடிவை எடுத்துள்ளார்.

கடந்த 2021-ஆம் ஆண்டு சட்டமன்றத் தேர்தலின் போது, கமல்ஹாசனின் மக்கள் நீதி மய்யத்துடன் கூட்டணி அமைத்த சரத்குமாரின் கட்சி, 33 தொகுதிகளில் போட்டியிட்டது. இருப்பினும், அந்தத் தேர்தலில் ஒரு தொகுதியில் கூட அக்கட்சியால் வெற்றி பெற முடியவில்லை என்பது குறிப்பிடத்தக்கது.