நடிகர் விஜய் மற்றும் அவரது மனைவி சங்கீதா இடையிலான விவாகரத்து விவகாரம் தற்போது தமிழக அரசியலிலும் சினிமா வட்டாரத்திலும் பெரும் பரபரப்பை ஏற்படுத்தியுள்ளது. நடிகை ஒருவருடன் விஜய்க்கு இருக்கும் நெருக்கமான உறவுதான் இந்தப் பிரிவுக்குக் காரணம் என்று சங்கீதா குற்றம்சாட்டியுள்ள நிலையில், இந்த விவகாரம் நீதிமன்றப் படி ஏறியுள்ளது. சங்கீதா தாக்கல் செய்துள்ள மனுவில், விஜய் தன்னைத் தாக்கியதாகவும், பொருளாதார ரீதியாகத் தனிமைப்படுத்த முயற்சிப்பதாகவும் பல அதிர்ச்சிகரமான புகார்களை முன்வைத்துள்ளார்.
இந்தச் சூழலில், சங்கீதா தனது குடும்பப் பிரச்சனை தொடர்பாகத் தமிழக முதலமைச்சர் மு.க.ஸ்டாலினின் குடும்பத்தினரிடம் உதவி கோரியுள்ளதாகத் தகவல்கள் வெளியாகியுள்ளன. இது குறித்துப் பேசிய அரசியல் விமர்சகர் திருச்சி சூர்யா, சங்கீதா முதலமைச்சர் குடும்பத்திற்கு நெருக்கமான ஒரு நபரைத் தொடர்புகொண்டு பேசியதாகக் குறிப்பிட்டுள்ளார். விஜய்யின் அரசியல் வருகை மற்றும் தனிப்பட்ட புகார்கள் என அனைத்தும் இணைந்து தற்போது பேசுபொருளாகியுள்ளது.
இருப்பினும், இந்த விவகாரத்தில் அரசு தலையிட வேண்டாம் என்று முதலமைச்சர் மு.க.ஸ்டாலின் அறிவுறுத்தியுள்ளதாகக் கூறப்படுகிறது. குறிப்பாக, தேர்தல் வரும் வரை இந்தத் தனிப்பட்ட குடும்பப் பிரச்சனைகளில் எந்தவிதமான முடிவுகளையும் எடுக்க வேண்டாம் என்றும், இதில் விலகியே இருக்குமாறும் அவர் தனது குடும்பத்தினருக்கு உத்தரவிட்டுள்ளதாகத் தெரிகிறது. இதனால் சங்கீதா எதிர்பார்த்த அரசியல் ரீதியிலான ஆதரவு கிடைப்பதில் சிக்கல் ஏற்பட்டுள்ளது.
விஜய் ஒருபுறம் தனது அரசியல் பயணத்தைத் தொடங்கிப் பல்வேறு விமர்சனங்களைச் சந்தித்து வரும் நிலையில், மறுபுறம் சங்கீதா விவாகரத்து கோரி செங்கல்பட்டு நீதிமன்றத்தில் வழக்கு தொடர்ந்துள்ளார். விஜய்யின் சொத்துக் கணக்குகள் மற்றும் தனிப்பட்ட வாழ்க்கை குறித்த சங்கீதாவின் அடுத்தடுத்த நகர்வுகள், விஜய்யின் அரசியல் மற்றும் திரை வாழ்க்கையில் எந்த மாதிரியான தாக்கத்தை ஏற்படுத்தும் என்பதைப் பொறுத்திருந்துதான் பார்க்க வேண்டும்.