லியோ ட்ரெய்லரில் வந்த விஜய் டிவி பிரபலம் யாருன்னு தெரியுதா..? இவர்தான் லியோ படத்தின் முக்கிய வில்லனா..? எகிறும் எதிர்பார்ப்பு..!!

லோகேஷ் கனகராஜ் இயக்கத்தில் நடிகர் விஜய் திரிஷா இணைந்து நடித்த படம் லியோ இந்த படத்தை 7 ஸ்கிரீன் ஸ்டுடியோ தயாரிக்கிறது. இந்த படத்தில் சஞ்சய் தத், பிரியா ஆனந்த், மன்சூர் அலிகான் உள்ளிட்ட பலர் நடித்துள்ளனர். படத்தின் போஸ்டர்களும் பாடல்களும் பிரம்மாண்டமாக வெளியாகி ரசிகர்களை உற்சாகமடைய வைத்தது. வருகிற 19-ஆம் தேதி லியோ திரைக்கு வர உள்ளது.

படம் ஆரம்பித்த நாள் முதலே பல்வேறு சிக்கல்கள் எழுந்தது. இந்நிலையில் லியோ படத்திலிருந்து வெளியான நான் ரெடி பாடலில் விஜய் சிகரெட் பிடிப்பது போன்ற காட்சிகள் படமாக்கப்பட்டுள்ளது. அதற்கு பல்வேறு கண்டனங்கள் எழுந்தது. இதனையடுத்து லியோ படத்தின் இசை வெளியீட்டு விழா நடைபெறும் என ரசிகர்கள் ஆவலோடு காத்துக் கொண்டிருந்த நிலையில் இசை வெளியீட்டு விழாவும் ரத்து செய்யப்பட்டது.

பல்வேறு எதிர்பார்ப்புகளுக்கு மத்தியில் நேற்று லியோ பட ட்ரெய்லர் வெளியானது. ஆரம்பிக்கும் போதே ஒரு சைக்கோ சிரியல் கில்லரை பற்றி நடிகர் விஜய் பேசுவது போன்று ட்ரெய்லர் நகர்கிறது. பலருக்கும் ட்ரெய்லரில் வரும் அந்த சைக்கோ வில்லனை அடையாளம் தெரியவில்லை. அவர்தான் விஜய் டிவியின் பிரபல டான்ஸ் மாஸ்டர் சாண்டி.

எப்போதும் சாந்தமாக இருக்கும் சாண்டி மாஸ்டரை பார்த்துவிட்டு இப்போது லியோ பட டிரெய்லரில் சைக்கோ மாதிரி இருக்கும் சாண்டியை பார்த்து ரசிகர்கள் மிரண்டு போய் இருக்கின்றனர். லியோ படத்தில் சாண்டியும் முக்கிய வில்லனாக இருக்கலாம் என்ற எதிர்பார்ப்பு எழுந்துள்ளது. திரையில் சாண்டி மாஸ்டரின் சைக்கோ த்ரில்லர் காட்சிகளை பார்ப்பதற்காக ரசிகர்கள் ஆவலுடன் காத்துக் கொண்டிருக்கின்றனர்.