தென்னமரத்துக்கு ஒரு குத்து.. ஏணிச் சின்னத்துக்கு ஒரு குத்து… பாஜகவின் வெளியுறவுக் கொள்கையை விளாசிய சு.வெங்கடேசன்..!

மதுரை நாடாளுமன்ற உறுப்பினர் சு. வெங்கடேசன், மத்திய அரசின் வெளியுறவுக் கொள்கையில் உள்ள முரண்பாடுகளைச் சாடும் வகையில் தனது விமர்சனத்தை முன்வைத்துள்ளார். யுனெஸ்கோ (UNESCO) அமைப்பின் ‘மனிதநேயத்தின் கண்ணுக்குத் தெரியாத கலாச்சார பாரம்பரிய’ (Intangible Cultural Heritage) பட்டியலில் தீபாவளி பண்டிகை சேர்க்கப்பட்டதைக் குடியரசுத் தலைவர் உரையில் மோடி அரசு பாராட்டியிருந்தது. ஆனால், அதே யுனெஸ்கோ அமைப்பிலிருந்து டிரம்ப் தலைமையிலான அமெரிக்க அரசு வெளியேறப் போவதாகவும், அதற்கான நிதியை நிறுத்தப் போவதாகவும் அறிவித்துள்ள சூழலில், அதனை ஆளும் தரப்பு ஆதரிப்பது போன்ற முரண்பாடான போக்கை அவர் விமர்சித்துள்ளார்.