அமலுக்கு வந்த தேர்தல் விதிகள்… ரொக்கப் பணம் மட்டுமில்ல… இந்த பொருள்களுக்கும் இனி கட்டுப்பாடு….. தேர்தல் ஆணையத்தின் அதிரடி ரூல்ஸ் இதோ…!

தேர்தல் நடத்தை விதிகள் அமலுக்கு வந்துள்ள நிலையில், பொதுமக்கள் மற்றும் வணிகர்கள் தங்களது பயணத்தின் போது எடுத்துச் செல்ல வேண்டிய ரொக்கப் பணம் குறித்த முக்கியத் தகவல்கள் வெளியாகியுள்ளன. தேர்தல் ஆணையத்தின் விதிமுறைப்படி, உரிய ஆவணங்கள் இன்றி 50,000 ரூபாய்க்கு மேல் ரொக்கப் பணத்தைக் கொண்டு செல்ல அனுமதி இல்லை. அதேபோல், 10,000 ரூபாய்க்கு மேல் மதிப்புள்ள புதிய பொருட்கள் அல்லது பரிசுப் பொருட்களை எடுத்துச் சென்றாலும் அதற்குரிய ரசீதுகள் கட்டாயம் வைத்திருக்க வேண்டும். பறக்கும் படையினரின் சோதனையின் போது போதிய ஆவணங்கள் இல்லையென்றால், அந்தப் பணம் அல்லது பொருட்கள் உடனடியாகப் பறிமுதல் செய்யப்பட்டு அரசு கருவூலத்தில் ஒப்படைக்கப்படும் என்பதை மக்கள் கவனத்தில் கொள்ள வேண்டும்.

வணிக ரீதியான பணப் பரிமாற்றங்கள் அல்லது அவசரத் தேவைகளுக்காக அதிக அளவு ரொக்கத்தைக் கொண்டு செல்வோர், அதற்கான வங்கிப் பரிவர்த்தனை ஆவணங்கள், அடையாளச் சான்றுகள் மற்றும் பணத்தின் ஆதாரத்தைச் சமர்ப்பிக்க வேண்டியது அவசியமாகும். குறிப்பாக, 10 லட்சம் ரூபாய்க்கு மேல் பணம் கண்டறியப்பட்டால், அது குறித்து வருமான வரித்துறைக்குத் தகவல் தெரிவிக்கப்பட்டு தீவிர விசாரணை நடத்தப்படும். எனவே, தேவையற்ற அலைச்சல்களையும் நிதி இழப்புகளையும் தவிர்க்க, பொதுமக்கள் முடிந்தவரை டிஜிட்டல் பணப் பரிமாற்றங்களை மேற்கொள்ளுமாறும் அல்லது முறையான ஆவணங்களுடன் பயணிக்குமாறும் அறிவுறுத்தப்படுகிறார்கள்.