“12-வது முடித்த கையோடு ரூ. 70,000 சம்பளமா… தமிழக அரசின் அதிரடி இலவச பயிற்சி….உடனே நிகழும் ஜாயின் பண்ணிக்கோங்க…!

தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகம் (தாட்கோ), சேலம், திருப்பத்தூர் மற்றும் அரியலூர் உள்ளிட்ட பல்வேறு மாவட்டங்களைச் சேர்ந்த 12-ஆம் வகுப்பு முடித்த ஆதிதிராவிடர் மற்றும் பழங்குடியின மாணாக்கர்களுக்கு ஒரு மிகச்சிறந்த வேலைவாய்ப்பு அறிவிப்பை வெளியிட்டுள்ளது. அதன்படி, தேசிய ஹோட்டல் மேலாண்மை கவுன்சில் (NCHMCT) நடத்தும் ‘NCHM JEE-2026’ நுழைவுத் தேர்வு மூலம் பி.எஸ்சி (B.Sc – Hospitality & Hotel Administration) பட்டப்படிப்பில் சேர மாணவர்களுக்கு தாட்கோ மூலம் பயிற்சி மற்றும் வழிகாட்டுதல்கள் வழங்கப்பட உள்ளன.

இந்த மூன்றாண்டு காலப் படிப்பை வெற்றிகரமாக முடிக்கும் மாணவர்களுக்கு, அவர்களின் திறமையின் அடிப்படையில் நட்சத்திர விடுதிகள், உயர்தர உணவகங்கள், விமானத் துறை மற்றும் கப்பல் போக்குவரத்து போன்ற பல்வேறு சேவைத் துறைகளில் வேலைவாய்ப்பு உறுதி செய்யப்படும். ஆரம்ப கால ஊதியமாக மாதம் ரூ. 25,000 முதல் ரூ. 35,000 வரை வழங்கப்பட வாய்ப்புள்ளது. பணியில் சேரும் இளைஞர்கள் தங்கள் அனுபவம் மற்றும் திறமையை வளர்த்துக் கொள்வதன் மூலம், பதவி உயர்வின் அடிப்படையில் எதிர்காலத்தில் மாதம் ரூ. 70,000 வரை ஊதியம் பெற முடியும் என மாவட்ட ஆட்சியர்கள் தெரிவித்துள்ளனர்.

இத்திட்டத்தின் கீழ் பயன்பெற விரும்பும் தகுதியுள்ள மாணவர்கள் தாட்கோவின் அதிகாரப்பூர்வ இணையதளமான www.tahdco.com மூலம் விண்ணப்பிக்கலாம். அரசு வழங்கும் இந்த அரிய வாய்ப்பைப் பயன்படுத்தி, முன்னணி நிறுவனங்களில் கைநிறைய சம்பளத்துடன் கூடிய கௌரவமான பணியில் சேர ஆதிதிராவிடர் மற்றும் பழங்குடியின இளைஞர்கள் முன்வர வேண்டும் என்று கேட்டுக் கொள்ளப்படுகிறார்கள்.