தமிழக அரசின் ‘மக்களைத் தேடி மருத்துவம்’ திட்டப் பணியாளர்களுக்கு கடந்த 2 மாதங்களாக வழங்கப்படாமல் இருந்த சம்பளத் தொகையைத் தமிழக அரசு தற்போது விடுவித்துள்ளது. இத்திட்டத்தின் கீழ் பணிபுரியும் 13,225 ஊழியர்களுக்கான மொத்த சம்பளப் பணமான ₹5.01 கோடியைத் தமிழக அரசு அதிகாரப்பூர்வமாக ரிலீஸ் செய்துள்ளது. இதன் மூலம், வங்கிக் கணக்கில் சம்பளம் வராமல் தவித்து வந்த பல்லாயிரக்கணக்கான மருத்துவப் பணியாளர்கள் பெரும் நிம்மதி அடைந்துள்ளனர்.
கடந்த 2021-ஆம் ஆண்டு ஆகஸ்ட் 5-ஆம் தேதி தொடங்கப்பட்ட இத்திட்டத்தின் கீழ் பணியாற்றும் ஊழியர்களுக்கு மாதம் ₹5,500 சம்பளமாக வழங்கப்பட்டு வருகிறது. இவர்கள் பொதுமக்களின் வீடுகளுக்கே நேரடியாகச் சென்று அத்தியாவசிய மருத்துவச் சேவைகளை வழங்கி வருகின்றனர். தற்போது நிலுவைச் சம்பளம் விடுவிக்கப்பட்டுள்ளதால், ஊழியர்கள் தங்களின் பணிகளைத் தொய்வின்றித் தொடர்வார்கள் என்று எதிர்பார்க்கப்படுகிறது.