கல்யாண் மேற்குப் பகுதிக்கு உட்பட்ட ஆக்ரா சாலையில், ஃபாரூக் இஸ்மாயில் என்ற வியாபாரி தனது இருசக்கர வாகனத்தில் ரூ.40 லட்சம் ரொக்கப் பணப் பையுடன் பயணித்துக் கொண்டிருந்தார். அப்போது அவரைத் தொடர்ச்சியாகக் கண்காணித்து வந்த நான்கு பேர் கொண்ட கும்பல், திரைப்படப் பாணியில் அவரைத் தாக்கித் திட்டமிட்டபடி இந்தக் கொள்ளைச் சம்பவத்தை அரங்கேற்றியுள்ளது.
ஃபாரூக் ஆக்ரா சாலைப் பகுதியில் சென்றுகொண்டிருந்தபோது, அந்தப் பாதகர்கள் அவரது மோட்டார் சைக்கிளை பலமாக எட்டி உதைத்தனர். இதில் நிலைதடுமாறி அவர் கீழே விழுந்ததும், அக்கூட்டாளிகள் அவரைத் கொடூரமாகத் தாக்கி, அவர் வைத்திருந்த ரூ.40 லட்சம் ரொக்கப் பணப் பையைப் பறித்துக்கொண்டு அங்கிருந்து தப்பி ஓடிவிட்டனர்.
https://twitter.com/nextminutenews7/status/2099818927572533389/video/1
பட்டப்பகலில் மக்கள் நடமாட்டம் உள்ள பொதுச் சாலையில் நடந்த இந்தத் துணிகரக் கொள்ளை அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. இச்சம்பவம் குறித்து ஃபாரூக் அளித்த புகாரின் பேரில் வழக்குப் பதிவு செய்துள்ள காவல்துறையினர், அப்பகுதியில் உள்ள சிசிடிவி காட்சிகளை ஆய்வு செய்து தப்பிச் சென்ற குற்றவாளிகளைத் தீவிரமாகத் தேடி வருகின்றனர்.