2026-ஆம் ஆண்டிற்கான “முதலமைச்சர் மாநில இளைஞர் விருது” எதிர்வரும் ஆகஸ்ட் 15ஆம் தேதி நடைபெறும் சுதந்திர தின விழாவில் வழங்கப்படவுள்ளது. சமுதாய நலனுக்காகத் தன்னார்வத்துடன் சிறந்த முறையில் தொண்டாற்றிய இளைஞர்களைச் சிறப்பிக்கும் வகையில் இந்த விருது அறிவிக்கப்பட்டுள்ளது. இதில் தகுதியான நபர்களுக்கு ரூ.1,00,000 ரொக்கப் பணம், பாராட்டுப் பத்திரம் மற்றும் பதக்கம் ஆகியவை பரிசாக வழங்கப்படும்.
இந்த உயரிய விருதுக்கு விண்ணப்பிக்க விரும்பும் தகுதியான இளைஞர்கள் ஆன்லைன் தளம் மூலமாக மட்டுமே விண்ணப்பிக்க முடியும். இதற்கான விண்ணப்பங்களை www.sdat.tn.gov.in என்ற தமிழ்நாடு விளையாட்டு மேம்பாட்டு ஆணையத்தின் அதிகாரப்பூர்வ இணையதள முகவரியைப் பயன்படுத்தி மட்டுமே சமர்ப்பிக்க வேண்டும் எனத் தெரிவிக்கப்பட்டுள்ளது.