ரொனால்டோ செய்த அந்த ஒரு செயல்… மைதானத்திலேயே விம்மி விம்மி அழுத பெண் பத்திரிகையாளர்.. நடந்தது என்ன..? வைரலாகும் வீடியோ..!!

2026 ஃபிஃபா உலகக் கோப்பை கால்பந்து போட்டிக்கான பயிற்சி ஆட்டத்தின் போது, போர்ச்சுகல் அணியின் நட்சத்திர வீரர் கிறிஸ்டியானோ ரொனால்டோ செய்த எளிய செயல் ஒன்று கொலம்பியா நாட்டு பெண் ஊடகவியலாளர் ஒருவரை நெகிழ்ச்சியில் கண்ணீர் சிந்த வைத்துள்ளது. மைதானத்தின் ஓரத்தில் இருந்து செய்தியாளர்கள் பலரும் போர்ச்சுகல் அணியின் பயிற்சியைக் கவனித்துக் கொண்டிருந்த போது இந்த நெகிழ்ச்சியான சம்பவம் நிகழ்ந்துள்ளது.

போர்ச்சுகல் அணியினர் ஓட்டப் பயிற்சியில் ஈடுபட்டிருந்த போது, முன்னணியில் ஓடி வந்த ரொனால்டோவை நோக்கி அந்தப் பெண் ஊடகவியலாளர் மிகுந்த உற்சாகத்துடன் கைகளை அசைத்தார். இதனை சற்றும் எதிர்பாராத விதமாக கவனித்த 41 வயதான ரொனால்டோ, அந்தப் பெண்ணைப் பார்த்துப் புன்னகைத்தபடி பதிலுக்குத் தனது கைகளை அசைத்து வாழ்த்து தெரிவித்தார். உலகின் மிகச்சிறந்த கால்பந்து வீரர்களில் ஒருவரான ரொனால்டோவிடமிருந்து கிடைத்த இந்த அங்கீகாரத்தைக் கண்டு அந்தப் பெண் முதலில் துள்ளிக் குதித்துத் தனது மகிழ்ச்சியைக் கொண்டாடினார்.

இருப்பினும், அடுத்த சில நிமிடங்களிலேயே மிகுந்த உணர்ச்சிவசப்பட்ட அவர், ஆனந்தக் கண்ணீரைத் துடைத்தபடி மைதானத்திலேயே தேம்பி அழத் தொடங்கினார். அருகில் இருந்த சக ஊடகவியலாளர்கள் அவருக்கு ஆறுதல் கூறினர். ரசிகர்களின் இதயங்களை வென்று வரும் ரொனால்டோவின் இந்த அன்பான செயலும், அந்தப் பெண் செய்தியாளரின் நெகிழ்ச்சியான எதிர்வினையும் அடங்கிய வீடியோ காட்சிகள் தற்போது சமூக வலைதளங்களில் உலகளவில் வைரலாகி வருகின்றன.