வெளியே வாடா பார்க்கலாம்… காரை மூங்கில் தடியால் அடித்து நொறுக்கி… மிரட்டல் விடுத்த போட்டியாளர்கள்… நடுங்கவைக்கும் பயங்கர தாக்குதல்… ராஜஸ்தானில் நடந்த திக் திக் சம்பவம்…!

ராஜஸ்தானின் கரௌலி மாவட்டத்தில் நடைபெற்ற பஞ்சாயத்துத் தேர்தலின் போது எதிர்பாராத மற்றும் திடுக்கிடும் சம்பவம் ஒன்று அரங்கேறியுள்ளது. பிரச்சாரத்தை முடித்துக் கொண்டு வேட்பாளர் ஒருவர் தனது பொலிரோ காரில் வீடு திரும்பிக் கொண்டிருந்த போது, எதிர்த்துப் போட்டியிட்ட மற்றொரு வேட்பாளரின் குடும்பத்தினர் அவரது காரை நடுவழியில் மறித்துத் தாக்குதலில் ஈடுபட்டுள்ளனர்.

கார் நிறுத்தப்பட்டதும், தாக்குதலில் ஈடுபட்டவர்கள் காரின் கண்ணாடியை மூங்கில் தடிகளாலும் கூர்மையான ஆயுதங்களாலும் பலமுறை பலமாகத் தாக்கியுள்ளனர். அதைத் தொடர்ந்து அங்கிருந்த இளைஞர் ஒருவரும் காரின் கண்ணாடியைக் குத்தி உடைக்க முயன்றுள்ளார். இருப்பினும், காரின் கண்ணாடி உடையாததால் அவர்களுக்குள் மேலும் ஆத்திரம் அதிகரித்துள்ளது.

காரின் உள்ளே அமர்ந்திருந்த வேட்பாளரை உடனடியாக வெளியே வருமாறு அவர்கள் தொடர்ந்து மிரட்டி அழைத்து வந்துள்ளனர். ஆனால், ஆபத்தை உணர்ந்த அவர் காரின் கதவுகளையும் கண்ணாடிகளையும் பூட்டியபடியே உள்ளே பாதுகாப்புடன் இருந்தார். இந்தத் தாக்குதல் சம்பவம் முழுமையாக வீடியோவில் பதிவாகி இணையத்தில் வைரலாகி பெரும் பரபரப்பை ஏற்படுத்தியுள்ளது.