தமிழக அரசியலில் அதிரடி திருப்பமாக, தமிழக வெற்றிக் கழகம் ஆட்சியமைக்க இந்திய கம்யூனிஸ்ட் (CPI) மற்றும் மார்க்சிஸ்ட் கம்யூனிஸ்ட் (CPM) ஆகிய இரு இடதுசாரி கட்சிகளும் ஆதரவு அளிக்க முடிவு செய்துள்ளதாகத் தகவல்கள் வெளியாகியுள்ளன. சென்னையில் இன்று இரு கட்சிகளும் தனித்தனியாக நடத்திய அவசர உயர்நிலைக் குழுக் கூட்டங்களில், தமிழகத்தின் அரசியல் சூழல் மற்றும் எதிர்கால நலன் கருதி, அக்கட்சியின் நிர்வாகிகள் பலரும் நடிகர் விஜய் முதல்வராக நிபந்தனையுடன் கூடிய ஆதரவை வழங்கலாம் எனத் தங்கள் கருத்துக்களை முன்வைத்துள்ளனர்.
இந்த முக்கிய முடிவை அதிகாரப்பூர்வமாக அறிவிப்பதற்காக இரு கட்சிகளின் தலைவர்களும் இன்னும் சற்று நேரத்தில் செய்தியாளர்களைச் சந்திக்கவுள்ள நிலையில், தமிழக அரசியல் களம் பெரும் பரபரப்புடன் காணப்படுகிறது. ஒருவேளை இந்த ஆதரவு உறுதியாகும் பட்சத்தில், தமிழகத்தின் அதிகார மையத்தில் ஒரு புதிய அரசியல் அத்தியாயம் தொடங்கும் என எதிர்பார்க்கப்படுகிறது.