முன்னாள் அமைச்சர் தோப்பு வெங்கடாசலத்தின் கட்சிப் பதவி திமுகவில் பறிக்கப்பட்டதற்குப் பின்னால், ஈரோடு அரசியலில் முன்னாள் அமைச்சர் முத்துசாமிக்கு எதிராக அவர் மேற்கொண்ட உட்கட்சி முரண்பாடுகளும் உள்ளடி வேலைகளுமே முதன்மை காரணம் எனக் கூறப்படுகிறது. தமிழக வெற்றிக் கழகத்தில் இணையும் எண்ணத்தில் இருந்த அவர், வரவிருக்கும் உள்ளாட்சித் தேர்தலை மனதில் வைத்துத் தனது ஆதரவாளர்களுக்குப் பல ஆசை வார்த்தைகளைக் கூறி, திமுக நிர்வாகிகள் பலரையும் மூளைச்சலவை செய்து தவெக பக்கம் இழுக்க முயன்றதாகக் கட்சி வட்டாரங்கள் தெரிவிக்கின்றன.
இந்தச் சூழலில், தோப்பு வெங்கடாசலத்தின் நடவடிக்கைகளைக் கூர்ந்து கவனித்த திமுக தலைமை, ஈரோடு மத்திய மாவட்ட அமைப்பையே கலைத்து, அவரது ஆதரவுத் தளங்களைச் சுற்றியிருந்த தொகுதிகளைப் பிரித்து வேறு மாவட்டங்களுடன் இணைத்து அதிரடி நடவடிக்கை எடுத்துள்ளது.