நெஞ்சை உலுக்கும் கொடூரம்…! வங்கக்கடலில் 2 படகுகள் கவிழ்ந்து… 500-க்கும் மேற்பட்ட அகதிகள்… நீரில் மூழ்கி பலியான சோகம்…!!

மியான்மர் அருகே வங்கக்கடலில் ஏற்பட்ட கொடூர படகு விபத்துகளில் 500-க்கும் மேற்பட்ட ரோஹிங்கிய அகதிகள் உயிரிழந்திருக்கலாம் என்று அஞ்சப்படுகிறது. கடந்த ஜூலை 8-ம் தேதி, மோசமான வானிலை மற்றும் கடல் சீற்றம் காரணமாக 250 மற்றும் 280 பேருடன் பயணித்த இரண்டு படகுகள் கடலில் கவிழ்ந்து இந்த விபத்து நேரிட்டுள்ளது. ஆபத்தான கடல் வழிப்பயணத்தை மேற்கொண்டு தப்பிக்க முயன்ற இவர்களில் பெரும்பாலானோர் நீரில் மூழ்கி பரிதாபமாக உயிரிழந்ததாக அஞ்சப்படும் இந்த சம்பவம், சர்வதேச அளவில் பெரும் சோகத்தையும் அதிர்ச்சியையும் ஏற்படுத்தியுள்ளது.

மியான்மர் நாட்டில் தங்களுக்கு எதிராக நடக்கும் கடுமையான ராணுவ ஒடுக்குமுறை, வன்முறை மற்றும் இனப்படுகொலை அச்சுறுத்தல்கள் காரணமாகவே ரோஹிங்கிய இன முஸ்லிம்கள் தொடர்ந்து தங்கள் தாய்நாட்டை விட்டு வெளியேறி வருகின்றனர். தங்கள் உயிரைக் காத்துக்கொள்ள தகுந்த பாதுகாப்பு வசதிகள் இல்லாத படகுகள் மூலம் அண்டை நாடுகளான வங்கதேசம், இந்தியா மற்றும் மலேசியா போன்ற நாடுகளுக்கு அகதிகளாக தஞ்சமடைய முயல்கின்றனர். இந்த இக்கட்டான பயணங்களின் போது போதிய விழிப்புணர்வின்றி, மோசமான வானிலையில் சிக்கி இதுபோன்ற கொடூரமான விபத்துகளும் உயிரிழப்புகளும் தொடர்கதையாகி வருகின்றன.