தமிழக அரசு ரேஷன் அட்டைதாரர்களுக்கு ஒரு முக்கியமான எச்சரிக்கையை விடுத்துள்ளது. அதன்படி, ஒரு ரேஷன் அட்டையில் பெயர் இடம்பெற்றுள்ள அனைத்து உறுப்பினர்களும் தங்களது கைரேகையை (Biometric) பதிவு செய்வது தற்போது கட்டாயமாக்கப்பட்டுள்ளது. போலி அட்டைகளைத் தவிர்க்கவும், சரியான பயனாளிகளுக்குப் பொருட்கள் சேருவதை உறுதி செய்யவும் இந்த நடவடிக்கை எடுக்கப்பட்டுள்ளது.
இதுவரை கைரேகையைப் பதிவு செய்யாதவர்கள், வரும் பிப்ரவரி 25-ஆம் தேதிக்குள் அருகிலுள்ள ரேஷன் கடைகளுக்குச் சென்று இப்பணியை முடிக்க வேண்டும் என்று மாவட்ட வாரியாக அறிவுறுத்தப்பட்டு வருகிறது. இந்த காலக்கெடுவிற்குள் கைரேகை பதிவு செய்யாதவர்களின் ரேஷன் அட்டைகள் முடக்கப்படலாம் என்றும் அரசு எச்சரித்துள்ளது.