ஒரு நாளைக்கு 12,000 முறை தும்மல்.. அரிய வகை நோயால் அவதிப்படும் 12 வயது சிறுமி..!

சளி, தொல்லை தரும் ஒவ்வாமை அல்லது மூக்கில் கூச்ச உணர்வு ஏற்படுத்தும் ஏதாவது ஒன்றாக இருந்தாலும் தும்மல் என்பது பெரும்பாலும் தவிர்க்க முடியாதது. நாம் அனைவரும் அப்படித்தான் இருந்திருக்கிறோம். ஆனால் இளம் வயது பெண்ணுக்கு தும்மல் என்பது முடிவில்லாத சுழற்சியாக தெரிகிறது. அமெரிக்காவின் டெக்சாசை சேர்ந்த 12 வயதான கேட்லின் தோரன்ஸி என்பவர் ஒரு நாளில் சுமார் 12,000 முறை தும்முகிறார்.

முதலில் இதை ஒவ்வாமை என்று குடும்பத்தினர் நினைத்தனர். ஆனால் தொடர்ச்சியாக இந்த பிரச்சனை இருந்ததால் மருத்துவரிடம் அழைத்துச் சென்று பரிசோதனை செய்ததில் தான் அது PANDAS ( pediatric autoimmune neuropsychiatric disorders associated with streptococcal infection) என்பதை கண்டறிந்துள்ளனர். குழந்தைகளில் ஏற்படும் ஒருவகை நரம்பியல் பிரச்சனை தான் இந்த நோய் என கூறப்படுகிறது.