திடீர் ட்விஸ்ட்… அதிமுக கூட்டணியில் விஜய்க்கு 50 சீட், 234 தொகுதிகளிலும் வேட்பாளர்… பரபரப்பை கிளப்பிவிட்ட பிரபலம்…!

தமிழகத்தில் 2026 ஆம் ஆண்டு சட்டமன்றத் தேர்தல் களம் நான்கு முனை போட்டியாக உள்ளது. அதாவது திமுக, அதிமுக, தமிழக வெற்றிக்கழகம் மற்றும் நாம் தமிழர் கட்சி என நான்கு முனைப்போட்டி நிலவி வருகிறது. இதில் தனது கூட்டணியை பலமாக வைத்திருக்கும் திமுக எப்படியும் தங்கள் ஆட்சியைப் பிடித்து விடலாம் என்ற எண்ணத்தில் செயல்பட்டு வருகிறது.

மறுபக்கம் சீமான் யாருடனும் கூட்டணி வைக்காமல் தன்னந்தனி ஆளாக கட்சியை வழிநடத்தி வருகிறார். அதேசமயம் பாஜகவுடன் கூட்டணி வைத்துள்ள இபிஎஸ் அதிமுக ஆட்சியை நிலை நாட்டுவதற்கான வியூகங்களை வகுத்து வருகிறார். இவர்களுக்கு நடுவே விஜயும் களத்தில் இறங்கி உள்ளதால் விஜயை தங்கள் கூட்டணியில் இழுக்கும் முயற்சியில் பாஜக மற்றும் அதிமுக உள்ளிட்ட கட்சிகள் ஈடுபட்டு வருகின்றன. ஆனால் முதல்வர் வேட்பாளர் விஜய் தான் தனித்து தான் போட்டி என சமீபத்தில் நடந்த தமிழக வெற்றி கழகம் பொதுக்குழு கூட்டத்தில் தீர்மானம் நிறைவேற்றப்பட்டது.

இந்நிலையில் தனித்துப் போட்டியிட்டால் தமிழக வெற்றிக்கலகம் தலைவர் விஜய் ஒரு தொகுதியில் கூட வெற்றி பெற மாட்டார் என்று பத்திரிகையாளர் ரங்கராஜ் பாண்டே கணித்துள்ளார். இது தொடர்பாக சமீபத்தில் பேட்டியளித்த அவர், விஜய் அதிமுக கூட்டணியில் 50 சீட் வாங்கினாலும் 40 இல் வெற்றி பெறுவார். 234 தொகுதிகளிலும் வேட்பாளர்களை நிறுத்த விஜயால் முடியாது. 50 வேட்பாளர்களுக்கு மேல் பிற கட்சிகளுக்கு போய்விடுவார்கள். விஜய் வெற்றி பெற மாட்டார் என்பது அவருக்கு நன்றாகவே தெரியும். அவர் ஒரு நரேட்டிவ் செட் செய்கிறார் என்ற விமர்சித்துள்ளார். இவருடைய இந்த பேச்சு அரசியல் வட்டாரத்தில் பரபரப்பை கிளப்பியுள்ளது.