“ரூ.24.9 லட்சம் இழப்பீடு போதவில்லை” ஏர் இந்தியா விமான விபத்தில் உயிர்பிழைத்த ரமேஷ் வேதனை..!!

அகமதாபாத் ஏர் இந்தியா விபத்தில் உயிர் பிழைத்த ஒரே நபரான விஸ்வாஷ்குமார் ரமேஷ், இங்கிலாந்தை தளமாகக் கொண்ட செய்தி சேனல் ஒன்றுக்கு அளித்த பேட்டியின் போது தனது அனுபவத்தை விவரித்தார். விபத்து நடந்து கிட்டத்தட்ட நான்கு மாதங்களுக்குப் பிறகும், தான் இன்னும் உடல் ரீதியாகவும் மன ரீதியாகவும் பாதிக்கப்பட்டுள்ளதாக ரமேஷ் தெரிவித்தார்.

விபத்தில் இருந்து தப்பித்தாலும், மனதளவிலும் உடலளவிலும் கஷ்டங்களை அனுபவித்து வருவதாகவும், தனியாக இருக்க விரும்புவதாகவும்  ரமேஷ்  கூறியுள்ளார். மேலும் ஏர் இந்தியா வழங்கிய ரூ.24.9 லட்சம் இழப்பீடு மருத்துவ மற்றும் தனிப்பட்ட செலவுகளுக்குப் போதவில்லை என்றும் ரமேஷ் தெரிவித்துள்ளார்.