தமிழகத்தில் 2026 சட்டமன்றத் தேர்தல் நெருங்கி வரும் சூழலில், பாட்டாளி மக்கள் கட்சியின் கூட்டணி நிலைப்பாடு குறித்துப் பல்வேறு யூகங்கள் எழுந்துள்ளன. அக்கட்சியின் ஒரு தரப்பினர் அதிமுகவுடன் இணைந்துள்ள நிலையில், நிறுவனர் டாக்டர் ராமதாஸ் திமுக அல்லது மீண்டும் தேசிய ஜனநாயகக் கூட்டணியில் (NDA) இணைய வாய்ப்புள்ளதாக அரசியல் வட்டாரங்களில் பேசப்படுகிறது.
இந்த யூகங்கள் குறித்து விளக்கம் அளித்துள்ள டாக்டர் ராமதாஸ், தேசிய ஜனநாயகக் கூட்டணியில் பாமக இல்லை என்று இன்னும் இறுதி முடிவு எடுக்கப்படவில்லை எனத் தெரிவித்துள்ளார். தேர்தல் நேரங்களில் இதுபோன்ற யூகங்களும் பேச்சுக்களும் வருவது இயல்பானது என்றும் அவர் குறிப்பிட்டுள்ளார்.