பாட்டாளி மக்கள் கட்சியின் நிறுவனர் மருத்துவர் ராமதாஸ் தனது 88-வது பிறந்தநாள் விழாவில், தீவிர அரசியலிலிருந்து முழுமையாக ஓய்வுபெறுவதாக அதிரடியாக அறிவித்துத் தமிழக அரசியல் களத்தில் பெரும் பரபரப்பை ஏற்படுத்தியுள்ளார். “இன்று முதல் நான் ‘அரசியல் துறவறம்’ மேற்கொள்கிறேன்; இனி எந்தக் காலத்திலும் அரசியல் பேசமாட்டேன், பாமகவின் உட்கட்சி விவகாரங்களிலும் தலையிட மாட்டேன்” என்று உரக்கச் சொன்ன அவர், கட்சியின் எதிர்காலப் பொறுப்புகள் அனைத்தையும் அன்புமணி ராமதாஸ் வழிநடத்துவார் எனத் தெளிவாகத் தெரிவித்துள்ளார். தம்மைக் காண விரும்புபவர்கள் எந்நேரமும் தைலாபுரம் தோட்டத்திற்கு வந்து சந்திக்கலாம் எனக் கூறி, பல தசாப்தகாலத் தனது தீவிர அரசியல் பயணத்திற்கு அவர் முற்றுப்புள்ளி வைத்துள்ளார்.
