நாம் தமிழர் கட்சியின் ஒருங்கிணைப்பாளர் சீமான், தனியார் தொலைக்காட்சி ஒன்றிற்கு அளித்த பேட்டியில் தமிழக அரசியல் சூழல் மற்றும் வரவிருக்கும் இடைத்தேர்தல் குறித்தும் தனது கருத்துகளைப் பகிர்ந்துள்ளார். அதில், கடந்த சட்டமன்றத் தேர்தல் முடிவுகள் குறித்து நடிகர் ரஜினிகாந்த் தன்னிடம் வருத்தம் தெரிவித்ததாகச் சுட்டிக்காட்டினார். திரைப்பட இயக்குநர் பாரதிராஜாவின் மறைவின் போது ரஜினிகாந்தைச் சந்தித்தாகக் குறிப்பிட்ட அவர், அப்போது தேர்தல் முடிவுகள் குறித்துப் பேசிய ரஜினிகாந்த், “நீங்களாவது வெற்றி பெற்று சட்டமன்றத்திற்குள் சென்றிருக்கலாம், தேர்தல் முடிவுகள் மிகவும் வருத்தமளிப்பதாக இருந்தது” என்று கூறியதாகத் தெரிவித்தார்.
தனது அரசியல் குரல் சட்டமன்றத்திற்குள் எதிரொலிக்க வேண்டியதன் அவசியத்தை வலியுறுத்திய சீமான், “நான் நீண்ட காலமாக கூண்டுக்குள் அடைபட்டிருப்பதைப் போல உணர்கிறேன்” என்று உருக்கமாகப் பேசினார். கூண்டுக்குள் இருந்து பேசுவதை விட, ஒரு முறை கூரை மீது ஏறி நின்று சத்தமிட்டால் அந்தப் பேச்சை யாரும் நிராகரிக்க முடியாது எனக் குறிப்பிட்ட அவர், மக்கள் நலன் சார்ந்த மற்றும் மாநிலத்தின் முக்கியப் பிரச்சினைகளைச் சட்டமன்றத்தில் எழுப்பத் தீவிரமாக விரும்புவதாகத் தெரிவித்தார்.
அம்பாசமுத்திரம் தொகுதி அதிமுக சட்டமன்ற உறுப்பினராக இருந்த இசக்கி சுப்பையா தனது பதவியை ராஜினாமா செய்துவிட்டுத் தமிழக வெற்றிக் கழகத்தில் (தவெக) இணைந்ததைத் தொடர்ந்து, அந்தத் தொகுதி காலியானதாக அறிவிக்கப்பட்டுள்ளது. அம்பாசமுத்திரம் தொகுதிக்கு விரைவில் இடைத்தேர்தல் வரக்கூடும் என எதிர்பார்க்கப்படும் நிலையில், அங்குத் தாம் நேரடியாகப் போட்டியிடப் போவதாகச் சீமான் அறிவித்துள்ளார். மேலும், ஆளுங்கட்சிக்குச் சாதகமாக அமையும் இடைத்தேர்தல் மரபுகளை உடைத்து, காலியாகும் 5 தொகுதிகளிலும் நாம் தமிழர் கட்சி வழக்கம்போலத் தனித்துப் போட்டியிடும் என்றும் உறுதியளித்தார்.
அம்பாசமுத்திரம் தொகுதியில் வெற்றி பெற்றால், அதைத் தமிழகத்திலேயே முதன்மையான மாதிரித்தொகுதியாக மாற்றிக் காட்டுவேன் எனச் சீமான் நம்பிக்கை தெரிவித்துள்ளார். இதற்காக அரசு நிதி வழங்காவிட்டாலும் கூட, பெருந்தொழிலதிபர்களிடம் நன்கொடைகளைப் பெற்றுத் தொகுதி மக்களுக்குத் தேவையான அனைத்து உட்கட்டமைப்பு வசதிகளையும் நிறைவேற்றுவேன் என்றும், நீண்டகாலமாக ஆட்சியில் இருப்பவர்களால் முடியாத மாற்றங்களைச் செய்து காட்டுவேன் என்றும் அவர் உறுதிபடக் கூறினார்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…