தமிழக வெற்றிக் கழக தலைவர் விஜய்யை “அதிமுகவை அழிக்க நினைக்கும் நேற்று பிறந்த டவுசர் பையன்” என்றும், நடிகை த்ரிஷாவை “அண்ணி” என்றும் முன்னாள் அமைச்சர் ஆர்.பி.உதயகுமார் தரக்குறைவாக பேசியதாகக் கூறி, தூத்துக்குடி மாவட்ட காவல் கண்காணிப்பாளர் அலுவலகத்தில் தவெக நிர்வாகிகள் அதிரடி புகார் அளித்துள்ளனர். விஜய்யை இழிவாகவும், பெண்ணியத்திற்கு எதிராகவும் உதயகுமார் பேசிய பேச்சுக்கள் கடுமையான கொந்தளிப்பை ஏற்படுத்தியுள்ள நிலையில், சட்டப்பூர்வ நடவடிக்கை கோரப்பட்டுள்ளது.
முன்னதாக இதேபோன்று அவதூறாக பேசியதாக திமுக இளைஞரணி தலைவர் உதயநிதி ஸ்டாலின் மீது வழக்குகள் பாய்ந்த சம்பவங்களை சுட்டிக்காட்டி, ஆர்.பி.உதயகுமார் மீது காவல்துறை என்ன மாதிரியான நடவடிக்கை எடுக்கப்போகிறது, அவரும் கைது செய்யப்படுவாரா என்ற பரபரப்பான அரசியல் விவாதம் தற்போது தமிழகத்தில் தீப்பற்றியுள்ளது.