முதல்வர் விஜய்க்கு களம் சாதகமாக இல்லை… 4 மாதத்திலேயே தவெக மீது மக்கள் அதிருப்தி… ஓபனாக உடைத்த சிபிஎம் சண்முகம்… அரசியலில் பரபரப்பு…!!

தமிழகத்தில் மதுராந்தகம் மற்றும் தாராபுரம் தொகுதி இடைத்தேர்தல் பிரச்சாரம் இறுதிக்கட்டத்தை எட்டியுள்ள நிலையில், இரு தொகுதிகளிலும் முதல்வர் விஜய் தீவிரப் பிரச்சாரத்தில் ஈடுபட்டு வருகிறார். ஏற்கனவே பிரச்சாரக் கூட்டங்களை முடித்துள்ள விஜய், மதுராந்தகத்தில் நகரப் பகுதிகள் மற்றும் 39 கிராமங்களை உள்ளடக்கி ரோடு ஷோ நடத்த ஏற்பாடுகள் தீவிரமாக நடைபெற்று வருகின்றன. கொளத்தூரில் ஸ்டாலின் 5 நிமிடங்கள் பேசியதற்கே அவர் தோற்றுவிட்டதாகக் கூறிய தவெகத் தலைவர் விஜய், தற்போது இந்த இடைத்தேர்தலுக்காக இவ்வளவு தூரம் உழைப்பது ஏன் என்ற கேள்வி அக்கட்சியினரிடையே எழுந்துள்ளது.

இது குறித்து கருத்து தெரிவித்துள்ள சிபிஎம் மாநிலச் செயலாளர் பெ.சண்முகம், தவெகவுக்கு இந்தத் தேர்தலில் களம் சாதகமாக இல்லை என்று விமர்சித்துள்ளார். சட்டசபைத் தேர்தலின் போது முறையான திட்டமிட்ட பிரச்சாரம் இல்லாமலேயே தவெக வெற்றி பெற்றிருந்தாலும், இடைத்தேர்தலில் நிலைமை அவ்வாறு இல்லை எனக் குறிப்பிட்டுள்ளார். நீண்ட காலமாகவே இந்த இரு தொகுதிகளும் அதிமுகவுக்குச் சாதகமாக இருந்துள்ள நிலையில், அங்குத் திடீரென மாற்றம் ஏற்படும் என்று தவெக நம்பவில்லை என்றும் அவர் சுட்டிக்காட்டியுள்ளார்.

மேலும், தவெகவின் 4 மாத ஆட்சியில் மக்கள் மத்தியில் ஏற்பட்டுள்ள அதிருப்தியைச் சரிசெய்யவும், ஆளுங்கட்சியாக இருந்து தோற்றுவிடக் கூடாது என்ற கவுரவப் பிரச்சனைக்காகவுமே விஜய் இருமுறை ஒவ்வொரு தொகுதிக்கும் சென்று பிரச்சாரம் செய்வதாக அவர் கூறியுள்ளார். ஒட்டுமொத்த அமைச்சரவையும் தொகுதியிலேயே முகாமிட்டுள்ளதால் களம் சவாலாக உள்ளதாகவும், தவெக எளிதில் வெல்லக்கூடிய நிலையில் இல்லை என்றும் தெரிவித்த அவர், எந்தக் கட்சியாக இருந்தாலும் குறைந்த வாக்கு வித்தியாசத்திலேயே வெற்றி பெற முடியும் எனக் கூறியுள்ளார்.